Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
સ્વ. શ્રી જીવરાજભાઈ ઓધવજી દેશી.
ભાવનગરનિવાસી શ્રી જીવરાજભાઈ ઓધવજી દોશીનું ૭૫ વર્ષની ઉમ્મરે તા. ૨૮-૬-૫ર ના રોજ અવસાન થતાં ભાવનગરને એક અગ્રગણ્ય નાગરિક અને જૈન ! સમાજને એક વિદ્વાન આગેવાનની ખોટ પડી છે. જૈન સમાજની સૌથી જૂની અને જાણીતી પ્રકાશન સંસ્થા “શ્રી જૈન ધર્મ પ્રસારક સભા' ના તેઓ પ્રમુખ હતા અને “ શ્રી જૈન ધર્મ પ્રકાશ નામના માસિકનું તેઓ કેટલાક સમયથી સંપાદન કરતા હતા. ભાવનગર જૈન બેડીંગને તેઓ ઘણુ વર્ષોથી વહીવટ સંભાળતા હતા. ભાવનગર પાંજરાપોળના પણ તેઓ કેટલાએક વખતથી પ્રમુખ હતા અને બે કે ત્રણ વર્ષ પહેલાં નાદુરસ્ત તબિયતના કારણે તે જવાબદારીથી મુકત થયા હતા. ભાવનગર જૈન વે. મૂ. સંધના તેઓ એક આગેવાન હતા અને સંઘની અનેક પ્રવૃત્તિઓમાં તેઓ સારો ભાગ લેતા હતા.
વિદ્યાર્થી તરીકે તેમની કારકીર્દી ઉજજવળ હતી. ૨૦ વર્ષની ઉમ્મર આસપાસ બી. એ. થયા બાદ ભાવનગરની આફ્રેિડ હાઈસ્કૂલના એક શિક્ષક તરીકે તેમણે પિતાના વ્યવસાયી જીવનની શરૂઆત કરી હતી. એ વ્યવસાય દરમિયાન તેમણે એલ.એલ. બી. ની પરીક્ષા પસાર કરી અને ત્યાર બાદ ભાવનગર રાજ્યના ન્યાયખાતામાં તેઓ જોડાયા. આ ખાતામાં તેઓ એક પછી એક ઉચ્ચતર અધિકાર પ્રાપ્ત કરતા. ગયા અને ત્યાંની હાઈકોર્ટના સર ન્યાયાધીશ( Chief Judge )ના પદ સુધી પહોંચ્યા. આ સ્થાન ઉપર તેમણે સારી લોકપ્રિયતા પ્રાપ્ત કરી હતી અને લગભગ ૬૦ વર્ષની ઉમરે તેઓ નિવૃત્ત થયા હતા.
તેઓ જૈન ધર્મના તેમ જ પાશ્ચાત્ય તત્વજ્ઞાનના સારા અભ્યાસી હતા. જેને ધર્મ પ્રકાશના સંપાદન કાળ દરમિયાન તેમણે અનેક તાવિક અને આધ્યાત્મિક વિષયો ઉપર વિદ્વત્તાપૂર્ણ અને ચિન્તનાત્મક લેખો લખ્યા હતા અને “કાળ'“ Time' જેવા ગહન વિષયની તેમણે વિસ્તારથી ચર્ચા કરી હતી અને જૈન ફિલસુફીનું આ પ્રશ્ન સંબંધમાં શું દૃષ્ટિબિન્દુ છે તે સમજાવવાનો સ્તુત્ય પ્રયત્ન કર્યો હતા. નિવૃત્ત જીવન તેમણે મોટા ભાગે વાંચન, ચિન્તન તેમ જ અધ્યયન પાછળ ગાળ્યું હતું. તેઓ ધાર્મિક તેમ સામાજિક બાબતોમાં ઉદાર વિચાર ધરાવતા હતા અને સુચારિત્ર્ય અને સૌજન્યવડે તેમણે તરફ સુવાસ ફેલાવી હતી. તેમનામાં ઉડી ધર્મશ્રદ્ધા અને ચોક્કસ પ્રકારની તત્વનિષ્ઠા હતી. તેઓ પિતાની પાછળ પુત્ર-પુત્રીઓને એક બહોળો સુખી પરિવાર મૂકી ગયા છે.
આ રીતે આપણે જેમના દીધે જીવનને સફળ અને મૃત્યુને ભાગ્યશાળી લેખીએ એવા શ્રી જીવરાજભાઈના આત્માને શાશ્વત શાન્તિ પ્રાપ્ત થાઓ ! [૧ લી જુલાઈ, “પ્રબુદ્ધ જેન”] શ્રી પરમાનંદ કુંવરજી કાપડિયા
For Private And Personal Use Only
| SR No. | 533816 |
| Book Title | Jain Dharm Prakash 1952 Pustak 068 Ank 10 |
| Original Sutra Author | N/A |
| Author | Jain Dharm Prasarak Sabha |
| Publisher | Jain Dharm Prasarak Sabha |
| Publication Year | 1952 |
| Total Pages | 28 |
| Language | Gujarati, Hindi |
| Classification | Magazine, India_Jain Dharm Prakash, & India |
| File Size | 11 MB |