Page Text
________________
૩૧૨ શ્રી જૈન ધર્મ પ્રકાશ
[આશ્વિન - તા. ૨૮ ના રાતના સંગીતનો પ્રોગ્રામ રાખવામાં આવ્યો હતો અને તા. ૨૯ ને બપોરના મોટા દેરાસરજીમાં પ્રભુપૂજા રાખવામાં આવી હતી.
આ લેખને ઉદ્દેશ આખા મહેસવનો હેવાલ આપવાનો નથી, પણ આ મહોત્સવના સમારંભથી મારા મન ઉપર શું છાપ પડી તે બતાવવા પૂરતું છે.
સમારંભના દરેક કાર્યમાં ભાવનગરના યુવકે, વૃદ્ધો, સ્ત્રીઓ અને કુમારિકાઓએ મોટા પ્રમાણમાં ભાગ લીધો હતો. વ્યાખ્યાન હોલ અને થીએટર ભરાઈ ગયા હતા અને પૂર્ણ શાંતિથી બધા વક્તવ્યો સાંભળવામાં આવ્યા હતા. ભાવનગરમાં સ્ત્રી અને પુરુષોને આવા વ્યાખ્યાને સાંભળવાની વૃત્તિ છે અને સમાજ તેમજ ધર્મને ક્ષેત્રમાં નૂતન દિશાને જાણવા જવાની ઈચ્છા છે એવું પ્રતીત થતું હતું. શ્રી જૈન શ્વેતાંબર કોન્ફરન્સને આમંત્રણ આપ્યા છતાં રૂઢિચુસ્તના દબાણથી ભાવનગરમાં અધિવેશન ન ભરી શકાણું, તે વખતે ભાવનગરના પ્રગતિશીલ તત્ત્વને આઘાત થયેલો જોવામાં આવતા હતા, અને યુવક માનસ દબાઈ ગયું જણાતું હતું, તે માનસ સચેતન હોવાનું આ પ્રસંગોમાં જોવામાં આવ્યું હતું.
બીજું ભાવનગરમાં જૈન કોન્ફરન્સ જેવું કોઈ મોટું કંકશન-કાર્ય કરવાનો નિરધાર કરવામાં આવે અને યુવકો અને અનુભવી વૃદ્ધો સહકારમાં કામ કરવાનું માથે લે તે ઘણી સકલતાથી કાર્ય પાર પાડી શકે તેવી વ્યવસ્થા અને શિસ્ત શક્તિ આ પ્રસંગે તાદશ્ય જણાતા હતા.
ત્રીજું ભાવનગર શહેર જૈન સમાજના મહત્વના કાર્ય માટે યોગ્ય સ્થળ છે. અહીં રાજ્યની જોઈએ તેવી મદદ મળી શકે છે, મોટા વ્યાખ્યાન હોલ કે થીએટર મળી શકે છે, રહેવા અને ઉતરવા માટે જોઈએ તે છે મકાનોની સગવડતા છે, એટલે સ્થળ તરીકે પણ ભાવનગર પસંદ કરવા જેવું છે. સંવત ૧૯૬૪ માં શ્રી જૈન કન્ફરંસનું જે ભવ્ય અધિવેશન ભાવનગરમાં થયું હતું, તે હજુ અમારા સ્મરણ પટ ઉપર તાજું રહ્યું છે. હાલની રાજકીય અશાંતિ અને સ્ટેશન વિગેરેની હાડમારીઓમાં આ મોટો સમારંભ શકય નથી, પણ તેની ભાવના તે અવશ્ય ભાવનગરના અગ્રણીઓ અને યુવકોએ રાખવાની છે.
તા. ૩૦ ના રોજ સવારમાં પંડિતજી તથા રા. રા. ઇટાલાલભાઈ ( જેઓ આ સભાના જૂના અને અગ્રગણ્ય સભાસદ છે ) અને અન્ય મહેમાનો તથા સભાના મેંબરોને આપણી સભાના મકાનમાં બોલાવવામાં આવ્યા હતા. જેમાં પંડિતજીના અગાધ જ્ઞાન, સત્યપ્રિયતા, સંશોધન વૃત્તિ અને સમન્વય શક્તિનું દર્શન થયું હતું. બપોરના સ્ત્રીઓ માટે એક મેળાવડે શ્રી જૈન આત્માનંદ સભાના શેઠ ભેગીલાલ હાલમાં થોજવામાં આવ્યો હતો. જેમાં સ્ત્રીઓને જાણવા અને વિચારવા જેવી ઘણી બાબતે પંડિતજીએ સમજાવી હતી. તે વખતે શ્રી આત્માનંદ સભા તરફથી પણ પંડિતજી અને મહેમાનોનું સ્વાગત કરવામાં આવ્યું હતું. આવા મેળાવાની ઉપયોગિતા એ છે કે તેથી સમાજમાં જામતિ અને ચેતન આવે છે.
શ્રી જીવરાજભાઈ ઓધવજી દેશી
| SR No. | 533749 |
| Book Title | Jain Dharm Prakash 1947 Pustak 063 Ank 12 |
| Original Sutra Author | N/A |
| Author | Jain Dharm Prasarak Sabha |
| Publisher | Jain Dharm Prasarak Sabha |
| Publication Year | 1947 |
| Total Pages | 32 |
| Language | Gujarati, Hindi |
| Classification | Magazine, India_Jain Dharm Prakash, & India |
| File Size | 3 MB |