Page Text
________________
Shri Mahavir Jain Aradhana Kendra
શ્રી આત્માનંદ પ્રકાશ : વર્ષ: ૬, અંક : ૪
www.kobatirth.org
શ્રદ્ધા અને આસ્થાનું પરમધામ શ્રી ઘંટાકર્ણ દાદાનું સ્થાનક : મહુડી
ગુજરાતમાં
ગાંધીનગર પાસે આવેલું, વિજાપુર તાલુકાનું મહુડી
તીર્થધામ તો દેશ - પરદેશના લોકો માટે શ્રદ્ધાનું ધામ બની ચૂક્યું છે. આમ તો આ તીર્થની ઓળખ જૈન ધર્મના તીર્થ તરીકે આપવામાં આવે છે, પરંતુ અહીં તો દાદા ઘંટાકર્ણવીરના દર્શન માટે દરેક કોમના ભાવિકો આવે છે અને શ્રદ્ધાપૂર્વક દાદા ઘંટાકર્ણવીરના દર્શન કરી, સુખડીનો પ્રસાદ ધરાવી, દાદાની કૃપાથી પોતાની મનોકામનાઓ પૂર્ણ કરે છે.
આમ તો જૈન શાસનના ધર્મ સંરક્ષક એવા બાવનવીર પૈકીના ત્રીસમાં વીર તરીકે જાણીતા દાદા ઘંટાકર્ણવીર લોકકલ્યાણના દેવ છે.
મહુડીનું આ એકમાત્ર જૈન તીર્થ છે કે જ્યાં સુખડીનો નૈવેદ્ય ધરાવવામાં આવે છે અને નૈવેદ્યના પ્રસાદની વિશિષ્ટતા એ છે કે અહીંનો પ્રસાદ મંદિરના આંગણથી બહાર લઈ જવામાં આવતો નથી, અને તે માટે એવી માન્યતા છે કે જો પ્રસાદ બહાર લઈ જવામાં આવે તો એના ઉપર અણધારી આફત ઉતરે છે. આ ભય પણ પ્રસાદ બહાર ન લઈ જવાનું એક કારણ છે અને આપણા સંત કવિ તુલસીદાસે કહ્યું છે ને કે ‘ભય બિન પ્રીત ન હોય ગોસાઈ' પરંતુ મહત્ત્વની વાત એ છે કે આ શુદ્ધ ઘીની સુખડીના પ્રસાદનો લાભ ત્યાં ઉપસ્થિત ભાવિકો અને સ્થાનિક લોકોને મળે એ છે.
૨
Acharya Shri Kailassagarsuri Gyanmandir
For Private And Personal Use Only
ઓકટોબર - ૨૦૦૬
=
-
આ ધર્મસ્થાનની વિશેષતા એ છે કે આ જૈન તીર્થધામ કહેવાતું હોવા છતાં અહીં જૈન સિવાયના અન્ય ધર્મના લોકો વિશેષ પ્રમાણમાં આવે છે. એક કહેવાય છે કે દરરોજ લગભગ ૭000 રૂા. ની સુખડીનું અહીં નૈવેધ ચડે છે અને એમાંય રવિવારે તો ૨૫ થી ૩૦ હજારની સુખડી શ્રદ્ધાળુ ભક્તો ઘંટાકર્ણ વીરને નૈવેદ્યરૂપે ધરાવે છે.
યશવંત કડીકર
આ મંદિરના આરાધ્યદેવ ઘંટાકર્ણવીર માટે એવી એક દંતકથા પ્રવર્તે છે કે, સદીઓ પહેલાં આ આખાય વિસ્તારમાં જંગલી પ્રાણીઓ અને લુંટારૂઓની ખૂબજ હેરાનગતિ હતી. તે સમયે તુંગભદ્ર નામે એક રાજા થઈ ગયા. આ રાજાનો પહેરવેશ સશસ્ત્ર યોદ્ધાનો હતો. ધનુષ્ય બાણથી સજ્જ આ રાજવી સાધુ - સંતો સ્ત્રીઓ અને યાત્રાળુઓનું રક્ષણ આપતા, તેથી તેમના આ સેવા કાર્યને બિરદાવવા તેમને વીરનું સ્થાન આપવામાં આવ્યું અને પછી તો તેઓશ્રી ‘ઘંટાકર્ણવીર’ તરીકે પ્રસ્થાપિત થયા તો બીજી પણ એક એવી કિવદન્તી છે કે, મહાન તપસ્વી આચાર્ય ભગવંત શ્રીમદ્દ બુદ્ધિસાગરસૂરિજી મ.સા. એ ઉગ્ર તપસ્યા આદરી હતી. આ સાધના દરમિયાન તેમણે ભગવાનને જે સ્વરૂપે જોયા તેનું એક ચિત્ર બનાવ્યું અને ચિત્ર પરથી અમુક ચોક્કસ મુહૂર્ત દરમિયાન આરસની પ્રતિમા ઘડવા શિલ્પીને જણાવ્યું. પરંતુ મૂળચંદ મિસ્ત્રી નામના આ કારીગરે તે સમયે આરસનો તે પ્રકારનો પથ્થર ઉપલબ્ધ નહીં હોવાનું જણાવતાં આ.શ્રી બુદ્ધિસાગરસૂરિજી મ.સા. એ ખારાઘાટના પથ્થરમાંથી પ્રતિમા બનાવરાવીને પ્રતિષ્ઠાનું મુહૂર્ત સાચવી લીધું. આ પ્રતિમાની પ્રતિષ્ઠા કરાઈ તે સમયે મંત્ર અંકિત કરેલા
| SR No. | 532117 |
| Book Title | Atmanand Prakash Pustak 103 Ank 04 |
| Original Sutra Author | N/A |
| Author | Pramodkant K Shah |
| Publisher | Jain Atmanand Sabha Bhavnagar |
| Publication Year | 2006 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 4 MB |