Page Text
________________
Shri Mahavir Jain Aradhana Kendra
શ્રી આત્માનંદ પ્રકાશ : વર્ષ: ૬, અંક : ૩
www.kobatirth.org
જ પહોંચી રસોડામાં ઝડપથી ચોખ્ખા ગોળ-ઘીનો શીરો બનાવીને પેટ ભરી લીધું અને ટાઢું બોળ પાણી પીને ગળું પણ ભીનું કરી લીધું. આ પછી એણે ઘરનો દરવાજો ખોલીને મોટી રાડ પાડીને જેવાં બધાં ભેગાં થયાં કે તરત જ પોતાના ધણી ઉપર પડતું મૂક્યું અને મોટેથી રોવાનું ચાલુ કર્યું? ‘મને આમ અધવચ્ચે મૂકીને ક્યાં ચાલ્યા ગયા ? હું તમારા વગર ઘડીભર નહિ જીવી શકું. આપણે જીવન-મરણના કોલ આપ્યા હતા. એ તે તમે કેમ તોડી નાંખ્યા ? આ જોઈ સ્વજનો એને છૂટી કરવાનો, ઉઠાડવાનો પ્રયત્ન કરે છે, તો આ કહે છે કે ‘હવે તો મારે સતી જ થવું છે. એમના માથાને ખોળામાં લઈને ચિતા ઉપર ચડવું છે, જલ્દી કરો, નહિ તો મારે ને એમને ખૂબ છેટું થઈ જશે. એમને મારા વગર નહિ ફાવે અને હું પણ એમના વગર હવે નહિ જીવી શકું.'
સ્વજનોએ બહુ જ સમજાવી ને એને શાંત કરી, છૂટી પાડી તો દીવાલના ટેકે માથું ઢાળીને રોવા લાગી અને એની સાથેના ભૂતકાળનાં પ્રેમનાં
ગાણાં ગાવા લાગી.
આ તરફ સ્વજનોએ હવે યુવાનને લઈ જવાની તૈયારી કરવા માંડી. એ માટેની ઠાઠડી પણ તૈયાર થઈ ગઈ. યુવાનને ત્યાંથી ઉઠાવી ઠાઠડી ઉપર ગોઠવવા બધાએ ઉપાડયો પણ એના પગની આંટી એ જ્યાં પડયો હતો, તેની બાજુના થાંભલામાં પડી ગઈ હતી. પગની આંટી એટલી મજબૂત હતી કે છૂટી થઈ નહિ. શરીર એકદમ લાકડા જેવું થઈ ગયું હતું. જે થાંભલામાં પગની આંટી પડી ગઈ હતી, લાકડાનો તે થાંભલો સુંદર ઝીણામાં ઝીણી કારીગરીવાળો હતો એમાં કોઈએ કહ્યું ‘ભાઈ, સુથારને બોલાવો અને આ થાંભલો કાપો.’ સુથાર આવી ગયો અને થાંભલાને કાપવા જ્યારે એણે કરવત હાથમાં લીધી કે તરત જ એ
૨૦
Acharya Shri Kailassagarsuri Gyanmandir
જુલાઈ
૨૦૦૬
યુવાનની પત્ની રોતાં રોતાં બોલી કે થાંભલો બનાવનારો ગયો ! હવે થાંભલો કાપશો તો પછી થાંભલો કરાવશે કોણ ? પગ તો આમેય બાળવાના જ છે, તો પગ જ કાપોને ?' આ સાંભળતાં મરેલ તરીકે જાહેર થયેલા આ યુવાનને થયું કે હવે જે વધારે રાહ જોવા જઈશ તો પગ કપાઈ જશે. એટલે એણે ઘીમે ઘીમે શ્વાસની પ્રક્રિયા ચાલુ કરી હૃદયના ધબકારા ચાલુ કર્યા. કળ વળીને ઘીમેથી આળસ મરડીને ઉભો થયો. જાણે કશું જાણતો જ નથી એ રીતે એણે પૂછ્યું કે ‘બધા કેમ ભેગા થયા છો ?' બધાએ કહ્યું ‘તું તો મરી ગયો હતો ! પણ તું ભાગ્યશાળી કે આવી સતી સ્ત્રી તને પત્ની તરીકે મળી, એના પ્રભાવે તારા પ્રાણ પાછા આવ્યા' અને બધા ધીમે ધીમે વિખરાઈને ઘરે ગયા. એ પછી તો ઓલીએ પણ નાટક કરવાનું ચાલુ કર્યું. ‘હું તો તમારી પાછળ સતી થવાની હતી...'
ત્યારે આ યુવાને કહ્યું કે ‘આ બધું નાટક રહેવા દે.' મેં તારૂં બધું જ નાટક મારી સગી આંખે જોયું છે. તારે મારી પાછળ સતી જ થવું હતું તો મારા મર્યા પછી શીરો બનાવીને શું કામ ખાધો ? જે કાંઈ સગેવગે કર્યું, એ પણ સાંભળો અને ઘર અને થાંભલાને પણ સંભાળજે. હું તો આ ચાલ્યો. ઉપકાર એ સંન્યાસીજીનો છે કે જેણે મારી આંખ ઉઘાડી અને મને આ સંસાર જેવો છે તેવો ઓળખાવ્યો,
For Private And Personal Use Only
એ યુવાનને સ્રીરૂપે બંધન ઓળખાયું તો એ ચાલી નીકળ્યો. તમને ક્યારે ઓળખાશે ?
મહાંધ અને મહાન
જેટલી જરૂરિયાત છે તેની કરતાંય વધુ ધન હોવા છતાં જે સક્ષેત્રે ધન વાપરતાં નથી, તે મહાંધ થાય છે. અને જરૂરિયાત કરતાં વધી ગયેલા ધનને યોગ્ય ક્ષેત્રે વાપરી જાણે તે મહાન થાય છે.
| SR No. | 532116 |
| Book Title | Atmanand Prakash Pustak 103 Ank 03 |
| Original Sutra Author | N/A |
| Author | Pramodkant K Shah |
| Publisher | Jain Atmanand Sabha Bhavnagar |
| Publication Year | 2006 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 4 MB |