Atmanand Prakash Pustak 102 Ank 01

SR No.: 532102
Original Sutra Author: N/A
Author: Pramodkant K Shah
Publisher: Jain Atmanand Sabha Bhavnagar
Publication Year: 2005
Total Pages: 28
Language: Gujarati, Hindi
Classification: Magazine, India_Atmanand Prakash, & India
File Size: 3 MB

Page 27

(સુખની ચાવી)
પાદરા,
તા. ૪--૩-૧૯૧૨ નામ, કીર્તિ, મહત્તા અને પ્રતિષ્ઠાના પરપોટાની આશા રાખીને જગતનું તેમજ પોતાનું શ્રેય: કરવામાં કાર્યની પરિપૂર્ણ સિદ્ધિ થઈ શકતી નથી.
| હું બીજનાં કરતાં મહાન છું એવી અહંમતાને ભુલીને સર્વ આત્માઓને સમાન માનીને તેઓના સદ્દગુણોની ઉન્નતિ જે જે ઉપાયો વડે થાય તે તે ઉપાયોને આદરવારૂપ સેવા કરવી જોઈએ. આવી દશામાં આવનાર મનુષ્યને સર્વ સગુણો ખીલવવા માટે નિષ્કામ સેવાનો અધિકાર પ્રાપ્ત થાય છે.
કોઈના પણ આત્માને શત્રુરૂપ ન કલ્પતાં તેની ઉન્નતિ અર્થે યથાશક્તિ બનતું કરવું જોઈએ. આવી રીતે સર્વ જીવોના સેવક વા મિત્ર બનીને તેઓનું શ્રેયઃ કરવા પ્રવૃત્તિ કરનાર મનુષ્યોને જૈન ધર્મ સન્મુખ કરી શકે છે.
જે મનુષ્યો નામ, રૂ૫, લક્ષ્મી, કામ, ભોગ અને બાહ્ય મમત્વમાં મુંઝાય છે તેઓને ધર્મની દરકાર રહેતી નથી. તેઓ નામાદિકના સેવક બનવાથી પરમાર્થના સેવક બની શકતા નથી.
શ્રી વીર પ્રભુની જેમ જેઓ ધન, કીર્તિ, શાતા વગેરે બાહ્ય વસ્તુઓને નાકના મેલની જેમ ત્યાગ કરીને આત્માની ઉન્નતિ કરવા પ્રયત્ન કરે છે તેઓ ધર્મનો પ્રચાર કરવા સમર્થ બને છે. I ભારતવાસી આર્ય જૈનો જે હવે સ્વાર્થ ત્યાગીને પોતાના અને જગતના ઉદ્ધાર માટે જાગૃત નહિ થાય તો તેઓ મનુષ્ય કોટીમાં પણ પોતાને ગણાવવાને લાયક રહેશે નહિં. - જેઓ જૈન ધર્મનો ઉદ્ધાર કરવાની ઈચ્છા રાખે છે તેઓએ નવીન પંથ કાઢવાની કલ્પના પણ મનમાં કરવી ન જોઈએ. પંથ કાઢનારની દ્રષ્ટિ ટુંકી હોય છે. વિશાળ દ્રષ્ટિ વિના, વિશાળ જેનું ક્ષેત્ર છે એવા જૈન ધર્મનો અધિકારી બની શકતો નથી. અને એટલું વિશેષ સમજવું કે વિશાળ દ્રષ્ટિનો અર્થ જૈન સિદ્ધાંતોથી વિપરીત મનની અસત્ય કલ્પના રૂપ કોઈએ ન સમજવો. ઉદાર મન રાખીને ધર્મની અપૂર્વ ભેટ ખરેખર અન્યોને આપવી જોઈએ. પોતાના ધર્મમાં સર્વ સુખની ચાવીઓ છે. માટે જેનોએ પોતાના જૈનધર્મના ઉદાર ભાવથી પ્રચાર કરવો જોઈએ.
(પાથેય પુસ્તકમાંથી સાભાર) જે મનુષ્યો નામ, રૂપ, લક્ષ્મી, કામ, ભોગ અને બાહ્ય મમત્વમાં મુંઝાય છે તેઓને ધર્મની દરકાર રહેતી નથી. તેઓ નામાદિકના સેવક બનવાથી પરમાર્થના સેવક બની શકતા નથી.
- શ્રીમદ્ બુદ્ધિસાગર સૂરિજી.