________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
26
છે
બીજાનું જીવત ન બગડે તેમ વર્તવું
એક રાજા હતો. અંતરથી તે તદ્દન નિર્વિકારી હતો. પરંતુ આખો દિવસ તેની પાસે રાણીઓ રહેતી અને રાજા તેમની સાથે અનેક પ્રકારની ક્રીડાઓ કરતો.
રાજાનો આવો વ્યવહાર ગામની એક સુશીલ સ્ત્રીને ખૂંચતો. રાજાનો આ વ્યવહાર જોઈને બીજાઓ શું કરશે એ એના અંતરની ચિંતા હતી.
એક વખત તે સ્ત્રી રાજા પાસે ગઈ અને તેની સામે તિરસ્કારભરી નજરે જોયું. તે જ વખતે સુશીલ સ્ત્રીના દેહમાં દાહ પેદા થઈ ગયો. રાણીઓએ સ્ત્રીને કહ્યું : “અમારા પવિત્ર રાજા તરફની તિરસ્કારભરી નજરનું પરિણામ જોયું ને?”
રાજાએ તે સુશીલ સ્ત્રીને કહ્યું: “મારા સ્નાનનું પાણી તારા શરીરને લગાડી દે. તારો દેહ શાંત થઈ જશે.'
ખરેખર તેમ જ થયું. પછી રાજાએ તેને પૂછ્યું કે હવે મારી નિર્વિકારિતા સંબંધમાં તારી ખાતરી થઈને?'
તે બાઈએ કહ્યું : “હા જરૂર, પણ તેથી કાંઈ તમને આવો બાહ્ય વ્યવહાર કરવાનો અધિકાર નથી. લોકો આજે મોટાઓના બાહ્ય વ્યવહારને જોઈને જ શીખતા હોય છે.'
રાજાએ સુશીલ એવી તે બાઈની વાત કબૂલ કરી લીધી અને પોતાનો બાહ્ય વ્યવહાર પણ નિર્મળ બનાવ્યો.
SHASHI INDUSTRIES
SELARSHA ROAD, BHAVNAGAR-364001
PHONE : (O) 242 82 54 - 243 05 39
Rajaji Nagar, BALGALORE-560010
For Private And Personal Use Only
