Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૮]
[શ્રી આત્માનંદ પ્રકાશ વર્ષ: ૩ અંક ૬, ૧૬ એપ્રિલ ૨૦૦૩
ભાવનગરના જૈન ઇતિહાસમાં પ્રથમવાર જ એક જ દિવસે ત્રણ-ત્રણ જિનાલયોમાં અંજનશલાકા પ્રતિષ્ઠા મહોત્સવ સંપન્ન
શ્રી ભાવનગર જૈન . મૂ. પૂ. તપાસંઘના ઉપક્રમે તા. ૨૮ જાન્યુઆરીથી તા. ૮ ફેબ્રુઆરી-૦૩ દરમ્યાન શ્રીકૃષ્ણનગર નૂતન જિનાલય શ્રીસુભાષનગર નૂતન જિનાલય તથા શ્રીદાદાસાહેબ જિનાલય એમ ત્રણ દેરાસરોમાં પૂ. આ. શ્રી વિજયચંદ્રોદયસૂરીશ્વરજી મ. સા. તથા પૂ. આ. શ્રી વિજયજયચંદ્રસૂરીશ્વરજી મ. સા. આદિ સાધુ-સાધ્વીજી ભગવંતોની શુભ નિશ્રામાં ભવ્ય અંજનશલાકા-પ્રતિષ્ઠા મહોત્સવની શાસન પ્રભાવક ઉજવણી કરવામાં આવેલ.
પ્રતિષ્ઠા મહોત્સવનો શુભારંભ કૃષ્ણનગર જૈન ઉપાશ્રયમાં ચતુર્વિધ શ્રીસંઘની ઉપસ્થિતિમાં ભાવનગર શ્રી સંઘના આગેવાનો તથા પ્રતિષ્ઠા કરાવનાર મહાનુભાવોને ગાદી પર બિરાજમાન કરાવી કંકુ-અક્ષતથી તીલક કરાવવાનો આદેશ શેઠશ્રી મોહનલાલ જગજીવનદાસ સલોત (વર્ષીતપના તપસ્વી શ્રીમતિ ગીતા અને દિવ્યકાંત સલોત) પરિવારે લીધેલ.
તા. ૭ ફેબ્રુ.ના રોજ રાત્રિના ત્રણેય જિનાલયોમાં કુલ ૪૮ પ્રતિમાઓની અધિવાસના અને અંજનવિધિ પૂ. ગુરુ મહારાજો દ્વારા કરવામાં આવેલ. આ પ્રસંગ નિમિત્તે શહેરમાં પ્રથમવાર જ રાત્રીના જૈનોનો વરઘોડો નીકળેલ જેમાં અતિ ઉત્સાહ પૂર્વક ગુલાબ ઉડાડીને જૈનોએ આ પ્રસંગને આનંદપૂર્વક ઉજવ્યો હતો.
તા. ૮ ફેબ્રુ.ના રોજ ત્રણેય જિનાલયોમાં સવારના શુભ મુહૂર્ત પરમાત્માની પ્રતિષ્ઠા કરવામાં આવેલ. પરમાત્માની પ્રતિષ્ઠાના દર્શન માત્રથી પવિત્ર થનાર સર્વે જીવોનું કલ્યાણ થાય છે અને એ જ કારણથી પરમાત્માની જિનમંદિરોમાં પ્રતિષ્ઠા થતાં સર્વ જીવોને અપૂર્વ આનંદ પ્રાપ્ત થાય છે.
મહોત્સવ દરમ્યાન દરરોજ રાત્રીના મુંબઈથી ખાસ પધારેલ જયંતકુમાર રાહી એન્ડ પાર્ટી દ્વારા ભાવના ભાવવામાં આવતી હતી. વિધિકાર તરીકે શ્રી નરેન્દ્રભાઈ (અમદાવાદવાળા) તથા શ્રી હિતેશભાઈ (વડોદરાવાળા) પધાર્યા હતા.
સમસ્ત કાર્યક્રમને સફળ બનાવવા કૃષ્ણનગર જૈન સોસાયટી, સુભાષનગર જૈન સોસાયટી, કેસંટ વિભાગના કાર્યકરો તેમજ શહેરના શ્રી સંઘના આગેવાન કાર્યકરોએ ભારે જહેમત ઉઠાવી હતી. મહોત્સવની પૂર્ણાહૂતિ પ્રસંગે આગેવાન કાર્યકરોનું બહુમાન કરવામાં આવેલ. આમ, ભવ્ય અંજનશલાકા મહોત્સવની શાસન પ્રભાવના પૂર્વક ઐતિહાસિક ઉજવણી કરવામાં આવેલ. વલભીપુર-ચિંતામણી પાર્શ્વ. જિનાલયને સોવર્ષ પૂર્ણ થતાં
યોજાયેલ શોભાયાત્રા અને ગુપ્તદાન ગંગા વલભીપુરમાં આવેલ સુપ્રસિદ્ધ મુળનાયક શ્રી ચિંતામણી પાર્શ્વનાથ જિનાલયને સો વર્ષ પૂર્ણ થયા હોય શેઠશ્રી હર્ષદભાઈ પુનમચંદભાઈ દોશી પરિવાર, વલભીપુર જૈન મિત્ર મંડળ-મુંબઈના સહયોગથી તાજેતરમાં શતાબ્દી મહોત્સવની ઉમંગ-ઉલ્લાસભેર રંગદર્શી ઉજવણી કરવામાં આવી હતી.
આ મહોત્સવ દરમ્યાન ગત. તા. ૧૪-રના રોજ વલભીપુર શહેરના ઇતિહાસમાં સર્વ પ્રથમ વખત એક અભુતપૂર્વ અને અદ્વિતીય શોભાયાત્રા યોજાઈ હતી. જેમાં ભાવનગર પંથકમાંથી મોટી સંખ્યામાં આબાલવૃદ્ધ ભાવિકજનો જોડાયા હતા. શોભાયાત્રા પૂર્વે શ્રી પુનમચંદ વિઠ્ઠલદાસ દોશી પરિવાર દ્વારા વલભીપુરમાં ઘેર-ઘેર જઈ ચીજવસ્તુઓ સ્વરૂપે ગુપ્તદાનની ગંગા વહેવરાવી હતી. વલભીપુરની આ ઘટના જૈન સમાજના ઇતિહાસમાં સુવર્ણ અક્ષરે નોંધાશે. અન્ય ગામના જૈન સમાજ માટે અનુકરણીય એવા આ સત્કાર્યની ફક્ત જૈન સમાજમાં જ નહિ પરંતુ અન્ય સમાજમાં પણ મુક્ત કંઠે સરાહના થઈ રહી હતી.
For Private And Personal Use Only
| SR No. | 532083 |
| Book Title | Atmanand Prakash Pustak 100 Ank 06 |
| Original Sutra Author | N/A |
| Author | Pramodkant K Shah |
| Publisher | Jain Atmanand Sabha Bhavnagar |
| Publication Year | 2002 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 3 MB |