Atmanand Prakash Pustak 099 Ank 12

SR No.: 532077
Original Sutra Author: N/A
Author: Pramodkant K Shah
Publisher: Jain Atmanand Sabha Bhavnagar
Publication Year: 2001
Total Pages: 29
Language: Gujarati, Hindi
Classification: Magazine, India_Atmanand Prakash, & India
File Size: 3 MB

Page 27

જીવનની સાચી સૌરભ 9
-મિતેશભાઈ શાહ શ્રી મહાવીરસ્વામી, ગૌતમસ્વામી જેવા ગણધરને પણ કહેતા, ‘સમય ગોયમ્ મા પમા !' અર્થાત્ સમય માત્રનો પ્રમાદ કરીશ નહિ. દુર્લભ મનુષ્યભવમાં જેમણે પોતાને મળેલ અમૂલ્ય અવસરનો ઉત્તમ સઉપયોગ કરીને પોતાના જીવનને સગુણ સંપન્ન બનાવ્યું હોય, તેમણે પોતાના જીવનને સાચા અર્થમાં સફળ કર્યું કહેવાય. e પ્રકૃતિના દરેક તત્ત્વમાંથી કંઈક ને કંઈક બોધ પ્રાપ્ત થાય છે—જો તે ગ્રહણ કરવાની આપણી દૃષ્ટિ હોય તો! જેમ પુષ્પ ખીલીને પોતાની સૌરભ ચોમેર પ્રસરાવે છે, તેમ આપણે પણ સુસંસ્કારોની–માનવતાની મહેક દ્વારા જીવનને ધન્ય બનાવવું જોઈએ. ફૂલ કાંટા વચ્ચે પણ સદા ખીલેલું—પ્રસન્ન રહે છે, તેમ આપણે પણ જીવનમાં અનેક પ્રતિકૂળતાઓ આવવા છતાં સમભાવમાં રહેવાનો પ્રયત્ન કરવો જોઈએ. પુષ્પ સવારે ઉગે છે અને સાંજે કરમાઈ જાય છે—આટલા અલ્પ આયુષ્યમાં પણ તે પોતાનું અને અન્યનું જીવન મઘમઘતું બનાવે છે, તેમ આપણે પણ જીવનમાં સેવા, પરોપકારાદિ દ્વારા અન્ય જીવોને મદદરૂપ થવા સદા તત્પર રહેવું જોઈએ. પુષ્ય પોતાના સદ્ગુણોને કારણે પરમાત્માના શિરે ચઢવાનું સૌભાગ્ય પ્રાપ્ત કરે છે, તેમ આપણે પણ જીવનમાં યોગ્યતા કેળવી, જીવનના ઉચ્ચ આદર્શ ધ્યેયની પૂર્તિ માટે સર્વાગ પ્રયત્ન કરી જીવનને સાચા અર્થમાં બડભાગી બનાવવું જોઈએ. જેમ પુષ્પમાં કોમળતાનો ગુણ રહેલો છે, તેમ આપણે પણ માયાચારનો ત્યાગ કરી સરળતાનો ગુણ કેળવવો જોઈએ. જેમ પુષ્પો પોતાના ગુણોનો ઢંઢેરો પીટતું નથી, તેમ આપણે આપણી જાતની બડાઈ ન હાંકવી જોઈએ—સ્વપ્રશંસા ન કરવી જોઈએ. પુષ્પનું જીવન આનંદી, ફરિયાદ વગરનું હોય છે. તેમ આપણે પણ તેવું જીવન જીવવા પ્રયત્ન કરવો જોઈએ. આમ, પુષ્પ આપણને ઘણી બધી બાબતોનો બોધ આપે છે. ‘ગુણ ગ્રાહકતા’નો ગુણ આપણા જીવન વિકાસ માટે ખૂબ અગત્યનો છે.
“ગુણથી ભરેલા ગુણીજન દેખી હૈયું મારું નૃત્ય કરે,
તે સંતોના ચરણ કમળમાં મુજ જીવનનું અર્થ રહે.” આ નૂતન વર્ષમાં આપણે સૌ ગુણ ગ્રાહકતાનો મહાન ગુણ કેળવી જીવનને મહેકતું બનાવીએ. આપણા સૌનું જીવન પવિત્ર, સફળ, પ્યારું, ન્યારું, સુવાસિત, નીતિમય તથા ધર્મમય બને તેવી પરમાત્માને અંતઃકરણની પ્રાર્થના છે.