Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ: ૨ અંક ૧૦, ૧૬ ઓગસ્ટ ૨૦૦૨]
[૨૩
પાલીતાણા–સાંચોરી ભવન ખાતે પૂ. આ.શ્રી રામચંદ્રસૂરીશ્વરજી મ.ના સમુદાયના
(૧૪ જેટલા આચાર્યોનું ઇતિહાસ સર્જક ચાતુમસ
પાલીતાણામાં પ્રતિ વર્ષ અનેકાનેક ચાતુર્માસના આયોજનો થાય છે પરંતુ ચાલુ વર્ષે સાંચોરી જૈન ભવનના આગણે ચૌદ–ચૌદ આચાર્યોના ચાતુર્માસથી જે ઇતિહાસ લખાઈ રહ્યો છે, એ અનુપમ બની જાય એવો છે. સુપ્રસિદ્ધ જૈનાચાર્ય શ્રીમદ્ વિજયરામચંદ્રસૂરીશ્વરજી મ. સા. ના પટ્ટધર સુવિશાલ ગચ્છાધિપતિ આ. શ્રી મહોદયસૂરીશ્વરજી મ. સા. એ રામસેનનિવાસી સંઘવી ધર્મીબેન વીરચંદજી હુકમાજી પરિવાર પૂના તેમજ મોકલસર નિવાસી શ્રી સમરતમલ જીવાજી વિનાયકીયા પરિવાર પૂનાની પાલીતાણા ચાતુર્માસની વિનંતીનો સ્વીકાર કર્યો હતો. પરંતુ તેઓ ગત ચૈત્રમાસે કાળધર્મ પામતા એમના સમુદાયના ૧૪-૧૪ આચાર્યો ચાતુમાસાર્થે પધારતાં ભારતભરમાંથી અનેક સંઘોમાંથી ભાવિકોનો મહેરામણ આરાધના કરવા ઉમટી પડ્યો હતો.
તાજેતરમાં જ ઉજવાયેલ પર્યુષણ પર્વની આરાધના પ્રસંગે ૧૫૦૦ ઉપર આરાધકો પધારતા જાણે માનવ મહેરામણ ઉમટી પડયો. એક જ સમુદાયના ૧૦૦ ઉપરાંત સાધુ ભગવંતો, ૫OO આસપાસ સાધ્વીજી ભગવંતો, ૫૦૦૦ હજાર ઉપરાંત આરાધકો, કલ્પસૂત્ર પ્રવચનોમાં જંગી હાજરી, નિત્ય અવનવા વરઘોડા આદિ વિશેષતાઓથી જે રીતે પર્વારાધના થઈ એના પડઘા સમગ્ર જૈન જગતમાં ગુંજી ઉઠ્યા. ૮ થી ૫૪ સુધીના ઉપવાસ કરનારાઓની સંખ્યા ૧૨૦૦ ઉપરાંત હતી. સિદ્ધિતપ, શ્રેણિતપ, શત્રુંજય તપ, નિગોદ નિવારણ તપ, મોક્ષ દંડક તપના તપસ્વીઓની સંખ્યા રેકરૂપ હતી. ચોસઠ પ્રહરી પૌષધમાં ૧૦૫૦ આરાધકો, ૧૫૦ ઉપરાંત ભાઈઓએ “લોચ' તરીકે ઓળખાતા કાયકષ્ટને હસતા હસતા સહન કરેલ. કલ્પસૂત્રના ચડાવા, ચૌદ સ્વપ્નના ચઢાવાઓએ પણ નવો જ રેકોર્ડ સ્થાપિત કર્યો હતો. ઉલ્લેખનીય વિગત એ છે કે આયોજન સાથે જીવદયા અનુકંપા અને સાધર્મિક ભક્તિ અંગેની ટીપો પણ કલ્પનાતીત સ્વરૂપ થયેલ.
પર્યુષણા બાદ પણ એવા જ ઉમંગ સાથે ઇતિહાસ સર્જક આ ચાતુર્માસ આગળ વધી રહ્યું છે. સાધર્મિકવાત્સલ્યનું કર્તવ્ય આરાધવાનો લાભ મુંબઈ વાલકેશ્વર નિવાસી શ્રી નયનબાળાબેન બાબુલાલ જરીવાળા પરિવારે લઈ હજારો સાધર્મિકોની ત્રણે ટંકની ભોજન ભક્તિનો લાભ લઈને બુફે પદ્ધતિથી થતાં જમણવારોના જમાનામાં બાજોઠ પર કાંસાના થાળી-વાટકામાં હજારો ભાવિકોની સારામાં સાર દ્રવ્યો અને પહેરામણી પૂર્વકની સાધર્મિક ભક્તિનો આદર્શ પૂરો પાડીને સૌને અનુમોદનાની તક પૂરી પાડી હતી. તેમજ જય-તળેટીએ સંપૂર્ણ સોનાના વરખની આંગી કરીને અદભુત ગિરિભક્તિ દર્શાવેલ.
જૈન શાસનની પ્રભાવનાનો એક ઇતિહાસ ચૌદ–ચૌદ આચાર્યોના આ ચાતુર્માસથી નવેસરથી લખાઈ રહ્યો છે.
* * * * *.
For Private And Personal Use Only
| SR No. | 532077 |
| Book Title | Atmanand Prakash Pustak 099 Ank 12 |
| Original Sutra Author | N/A |
| Author | Pramodkant K Shah |
| Publisher | Jain Atmanand Sabha Bhavnagar |
| Publication Year | 2001 |
| Total Pages | 29 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 3 MB |