Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૯૦
૨ રન ધર્મ પ્રકાર,
[ અશાડ
આવાં કામો કરવા માટે પુષ્કળ નાણાંની જરૂર પડે, તે સ્વાભાવિક છે, તેથી હું સર્વ જૈન ભાઈબહેનોને વિનંતિ કરું છું કે આપ બધા આ અત્યંત આવશ્યક કાર્યમાં આપને ઉદાર ફાળો આપશે અને સમાજ પ્રત્યેનું મહાન કર્તવ્ય બજાવ્યાને સંતોષ પામશે.
રાજકીય પરિસ્થિતિ આજે આપણા દેશમાં આપણું રાજ્ય છે, એ સૈભાગ્યને વિષય છે. તેનું સુકાન મહાસભાના કસાયેલા સેનાનીઓના હાથમાં છે, એ પણ આનંદની બીના છે. તેમના કુશળ નેતૃત્વ નીચે આપણો દેશ આબાદીના રસ્તે આગળ વધશે, તેમાં મને જરા પણ શંકા નથી; પરંતુ આ બધી પ્રવૃત્તિઓમાં આપણું સ્થાન કયાં ? તે વિચારવાની જરૂર છે.
રાજકારણ પ્રત્યેની ઉપેક્ષા આપણા ધર્મ અને સમાજની રચના પર તથા વેપારરોજગાર પર ઊંડી અસર કરશે, એ વાત ભૂલવા જેવી નથી. તેથી હું જૈન સમાજને વિજ્ઞપ્તિ કરું છું કે તેણે રાજકારણ પ્રત્યેની ઉપેક્ષા છોડીને કેન્દ્રરથ તથા પ્રાદેશિક સરકારોની સર્વ પ્રવૃત્તિઓમાં રસ લે અને તેની હિતકારી પ્રવૃત્તિઓમાં બને તેટલો ફાળો આપવો.
પબ્લીક ટ્રસ્ટસ એકટને લીધે સમાજના મોટા ભાગની લાગણી દુઃખાયેલી છે અને તેની વધાભરેલી કલમે સુધારી લેવામાં આવે તે જાતની વિનંતિ સ્થળે સ્થળેથી મુંબઈ સરકારને થયેલી છે, તે પર ૫ ધ્યાન અપાશે, તેવી હું આશા રાખું છું.
મધ્યસ્થ સરકાર તરફથી વાંદરા, હરણ વગેરે પશુઓની હિંસા કરવાનાં જે ફરમાને થઈ રવાં છે, તે પણ ભારતીય પ્રજાની ધાર્મિક લાગણી દુ:ખાવનારી છે, એટલે તે પાછા ખેંચી લેવાની મધ્યસ્થ સરકારને વિનંતિ કરું છું.
સાહિત્યવિષયક પરિસ્થિતિ આપણી ધાર્મિક, શૈક્ષણિક, સામાજિક, આર્થિક અને રાજકીય સ્થિતિનાં અવલોકન સાથે આપણી સાહિત્યવિષયક સ્થિતિનું અવલોકન કરવાની પણ જરૂર છે, કારણ કે આધુનિક યુગમાં ધર્મપ્રચાર માટેનું તે મેટામાં મોટું સાધન છે. આ વિષયમાં પણ આપણે ખૂબ પાછળ છીએ. દર વર્ષે પ્રકાશક તરફથી જુદી જુદી ગ્રંથમાળાઓ અને ઘણું સાહિત્ય બહાર પડે છે, પણ તેમાં નથી હોતી સંપાદનની કળા, નથી હોતું શુદ્ધ અને વ્યવસ્થિત લખાણ, નથી દેતી મુદ્રણકળાની સુંદરતા કે નથી હોત આકર્ષક દેખાવ ! એટલે ખર્ચના પ્રમાણુમાં કંઇ સંગીન ફળ પ્રાપ્ત થઈ શકતું નથી. જો જૈન ધર્મ અને સંસ્કૃતિનાં વિવિધ અંગો પર વેધક પ્રકાશ પાડતું સરળ, રુચિકર અને આકર્ષક સાહિત્ય બહાર પાડવામાં આવશે તે હું માનું છું કે સુશિક્ષિત સમાજનો મોટો ભાગ જૈન ધર્મ અને જૈન સંસ્કૃતિ પ્રત્યે અભિરુચિવાળો થશે અને એ રીતે આપણી “ સવી છવ કરું શાસનરસી'વાળી પુરાતન–પ્રાચીન ભાવના મૂર્તિમંત થશે તથા આપણા ધર્મ અને સંસ્કૃતિ પર અઘટિત આક્ષેપ થવાને વખત જ આવશે નહિ.
પાટણ, જેસલમીર વગેરે સ્થળોએ જ્ઞાનભંડારામાં રહેલી પ્રતિઓની વ્યવસ્થિત
For Private And Personal Use Only
| SR No. | 531781 |
| Book Title | Atmanand Prakash Pustak 068 Ank 09 |
| Original Sutra Author | N/A |
| Author | Jain Atmanand Sabha Bhavnagar |
| Publisher | Jain Atmanand Sabha Bhavnagar |
| Publication Year | 1970 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 3 MB |