Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી ભદ્રાવતી પાર્શ્વનાથજી તીર્થ.
s૩
કરીને પૂર્વ દિશા તરફ જંગલ મેટા પ્રમાણમાં છે. આ ગામથી પશ્ચિમ દિશામાં ૬ માઈલ દૂર ઈતિહાસપ્રસિદ્ધ વરદા' (વધુ) નદી વહે છે. આ નગરીનો વિનાશ કયારે થયો? એ કંઈ ચોક્કસ કહી શકાતું નથી, પણ આપણે મંદિરની પાછળ એક ચંડિકાનું મંદિર ઊભું છે, તેમાં એક થાંભલા ઉપર વિક્રમ સંવત ૧૧૩૩ નો એક શિલાલેખ છે, તેમ જ ભાદક સ્ટેશનથી ગામ તરફ આવતાં વચમાં એક ભવનાગનું મંદિર છે તેમાં એક ખંડિત શિલાલેખ શકે ૧૩૦૧ અથવા ૧૩૬૮ ની સાલન છે. સ્ટેશનથી આવતાં એક તળાવ પાસે ટેકરા ઉપર મંદિર છે તેમાં સંવત ૧૧૬૯ નો એક શિલાલેખ છે. એ જોતાં તે તે વર્ષો સુધી આ નગરી નગરીરૂપે વિદ્યમાન હતી એમ જરૂર લાગે છે. ત્યાર પછી ગમે ત્યારે નાશ પામી હશે.
તીર્થની પ્રસિદ્ધિ
કાળબળના વિકરાળ ઝપાટ અને સપાટા વાગવા છતાં અખંડિતરૂપે રહેલી અને ભાવિ પુનરુદ્ધારનો રાહ જોતી શ્રી પાર્શ્વનાથ ભગવાનની અંધકારમાં દીપક સરખી એક પ્રભાવી પ્રતિમા આમાં વિદ્યમાન હતી. અત્યારે જે જિનાલય છે તે જ સ્થળે એક નાના જીર્ણશીર્ણ થઈ ગયેલા અને જંગલની ઝાડીમાં ઉભેલા મંદિરમાં ધૂળ-કચરાથી અહીં દટાયેલી અવસ્થામાં આ પ્રતિમા હતી. નજીકના જ ગામના ગામડિયા લેકે શ્રદ્ધાથી આના ઉપર સિંદૂર ચડાવતા હતા. અને કેસરિયા બાબાના નામથી ઓળખતા હતા. ચાંદામાં આ વખતે એક ક્રિશ્ચિ યન મીશનરી કામ કરતી હતી. તેમાં એક યુરોપિયન પાદરી આ બાજુ આવી ચડેલો. તેના જેવામાં આ પ્રતિમાં આવી. તેણે સરકારી પુરાતત્વખાતાને ખબર આપી. પુરાતત્ત્વખાતાએ તરત જ આ સ્થાનને કબજે લઈને તેમ જ સાફસુફી કરાવીને મૂર્તિને યોગ્ય સ્થાને બેસાડી અને એક ચેતરો બાંધી ચારે બાજુ લોઢાના તારની વાડ કરી દઈને “રક્ષિત સ્મારક” (Protected monument) તરીકે આની જાહેરાત કરી.
લગભગ આ અરસામાં વિક્રમ સંવત ૧૯૬૬ ના મહાસુદ ૫ ને સોમવારની રાતે શ્રો અંતરિક્ષપાશ્વનાથજીતીર્થની પેઢીના મુનીમ શા. ચત્રભુજ પુંજાસાને એક સ્વમ આવ્યું કે તે ભાદક પાસે જંગલમાં ફરી રહ્યા છે અને તેમની પાછળ ૧૦ હાથ લાંબે નાગ દેડી રહ્યો છે. ચતુર્ભુજ આગળ ડે અને નાગ પાછળ દોડે. છેવટે ચતુર્ભ જે થાકીને નાગને વિનંતિ કરી કે “તમે શા માટે મારી પાછળ પડ્યા છો?” ત્યારે સાપે મનુષ્યવાણીથી કહ્યું કે “હું તને એક ચમત્કાર બતાવું. તું પાંચસો રૂપીઆ ખર્ચ કર.” ત્યારે ચતુર્ભુજે કહ્યું કે “હું તે ગરીબ માણસ છું, પાંચસો રૂપીઆ ક્યાંથી લાવું?' સાપે પૂછયું કે “એટલા પણ તારી પાસે રૂપીઆ નથી ?” ચતુર્ભુજે કહ્યું કે “ના, સાચું કહું છું, મારી પાસે કંઈ નથી.” ત્યારે નાગરાજે કહ્યું કે, “ઠીક, ત્યારે તું પાછળ જે.' ચતુર્ભુજ બીતાં બીતાં પાછળ જોયું તે જંગલ નહીં, પણ ત્યાં તો નગર જ હતું. અને તેમની સામે જ એક મંદિરમાં પશ્ચિમાભિ
૧. આ વરદા નદીના કાંઠા ઉપર જ દમયંતી અને રુકિમણીનું પિયર ઈતિહાસપ્રસિદ્ધ કડિનર નગર આવેલું છે. આ સંબંધી વિશેષ જાણવા માટે “કંડિનપુર' એ શીર્ષક નીચેને જેનસત્યપ્રકાશ માસિકના ૧૫-૫-૫૦ ના અંકમાં મારો લેખ જુઓ.
For Private And Personal Use Only
| SR No. | 531564 |
| Book Title | Atmanand Prakash Pustak 048 Ank 04 |
| Original Sutra Author | N/A |
| Author | Jain Atmanand Sabha Bhavnagar |
| Publisher | Jain Atmanand Sabha Bhavnagar |
| Publication Year | 1950 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 5 MB |