Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૨૬ એક દાર્શનિક
તીર્થ સ્થાન
ઉના ગામ શ્રીમાન હીરવિજયસૂરિ મહારાજના સ્વર્ગગમનથી જાણતું સ્થળ છે. આજે પણ ગામમાં જ્યાં સૂરિમહારાજનો સ્વર્ગવાસ થયેલે ત્યાં ગુરુમંદિર અને તેમની મૂર્તિ વિ૦ છે; તેમ જ નદીકાંઠે “આંબાવાડીઆ” નામે ઉદ્યાનમાં જ્યાં તેમના દેહને અંતિમ સંસ્કાર થયો હતો તે સ્થળે તેમની અને તેમના શિષ્યગણની પાદ સ્થાપનવાલી દેરીઓ આવેલી છે. ઉક્ત સમયે અકાળે આંબા ફળ્યા હતા એમ સંભળાય છે. આજે પણ આંબાઓને ફળભારે લચી પડેલ સમુદાય શીતલ છાંય અર્પતા મોજુદ છે.
પાંચેક વર્ષ પૂર્વે ઉના સુધી રેલ્વે નહતી અને તેથી ત્યાં જવું મુશ્કેલ હતું, પણ હવે તે ઠેઠ સુધી રેલ્વે વ્યવહાર ચાલુ હાઇ વિના મુશ્કેલી એ શીધ્ર પહોંચી શકાય છે.
ઉનાથી અજારા બે માઇલ થાય છે. અત્યારે તો અજાર ગામ નાનું ગામડું દેખાય છે પણ પૂર્વકાળમાં તે સ્થાન સમૃદ્ધિશાળી અને ઘણું વિસ્તારવાળું હશે એમ નિરીક્ષણ કરતાં જાણી શકાય છે.
અજારા પાર્શ્વનાથની પ્રતિમા ઘણી ભવ્ય છે. દષ્ટિને સ્થિર કરી દે એવી ઓછી પ્રતિમાઓ માંહેની એક પ્રતિમા તે શ્રી અજારા પાર્શ્વનાથ છે એમ કહી શકાય તેમ છે. જેવી પ્રતિમા રમણીય છે તેવું જ સ્થાન પણ રમણીય અને એકાંતમય છે. મનુષ્યના કલરવથી વિરમેલું યાને નિસ્તબ્ધતાભરેલું નાનું ગામ, શાંત-સુંદર ધર્મશાળા, નાનું પણ આહૂલાદપ્રેરક જિનમંદિર અને એ સર્વનાં કેન્દ્ર સ્થળરૂપ શાંતરસમાં ઝીલતી અજારા પાર્શ્વનાથજીની અર્ધરા રંગવાલી પ્રતિમાં જેનારને તદાકાર બનાવી દે છે. એ સમયે પરમ અધ્યાત્મ યોગી મહાત્મા આનંદઘનજીના શબ્દો યાદ આવે છે.
અમીયભરી મૂરતિ રચી રે, ઉપમા ન ઘટે કેય; શાંતસુધારસ ઝીલતી રે, નીરખત તૃપ્ત ન હાવ.
વિમલજિન ! દીઠાં લેયણ આજ, મારા સિદ્ધયાં વાંછિત કાજ, ગામની બહાર પૂર્વે થઈ ગયેલ અજ રાજાના નામથી પ્રસિદ્ધ ચરો છે કે જ્યાં આજે કેટલીક ખંડિત પ્રતિમાઓ દેખાય છે. તેની બાજુમાં કેટલાક વૃક્ષો છે જે અજ રાજાના ઝાડના નામે પ્રસિદ્ધ છે. તેની એક પ્રશાખામાંથી જુદી જુદી જાતના-ભિન્ન આકારવાળા ત્રણ ત્રણ પાંદડા થાય છે. એ પાન સૌરભયુકત છે અને ગડગુમડ ઉપર એ પાન ઔષધ તરીકે છૂટથી વપરાય છે. ત્યાંથી નજીકમાં એક જગ્યાએ થોડા વર્ષો પૂર્વે લગભગ તેરમા સૈકાના બે કાઉસગ્ગીઆ નીકલ્યા છે, જેને અત્યારે મંદિરના રંગમંડપમાં બને બાજુ પધરાવ્યા છે. એકમાં કાઉસગ્ગ યાને ઉભેલા રૂષભદેવ સ્વામી મુખ્ય છે અને તેની આજુબાજુ બીજા અગિયાર જિનોની પઘાસનાકારવાળી મૂર્તિઓ છે. બીજામાં આસોપકારી ચરમ શાસનાધિપતિ ભગવાનશ્રી મહાવીરદેવ મુખ્યપણે કાયોત્સર્ગ ધ્યાને રહેલા છે અને આજુબાજુ બાકીના અગીઆર જિનો છે. બને કાઉસગ્ગઆમાં મળીને કુલ ૨૪ જિનેની સ્થાપના છે. તદુપરાંત એ મંદિરમાં ન ભૂલત હે તે પ્રાય: સંવત ૧૦૮ની સાલના એક પ્રાચીન ઘંટ છે. તથા લગભગ ત્રણસો વર્ષ પૂર્વે મંદિરનો જીર્ણોદ્ધાર થયાનો શિલાલેખ છે. અજારા પાર્શ્વનાથજીની પ્રતિમા તે ૧૬૦૦૦૦૦ સેલ લાખ વર્ષની જૂની છે એમ શ્રીમાન શાંતમૂર્તિ સ્વ. હંસવિજયજી મહારાજકૃત અજારા પાર્શ્વનાથજીના સ્તવનમાં દર્શાવાયેલ છે.એ ગમે તેમ છે, પણ એટલું તે નિશ્ચિત છે કે-આ સ્થાન ઘણું પ્રાચીન છે અને ખાસ દાર્શનિક છે. શાંતિનો સ્વાદ લેવા ઇચ્છનારે આ સ્થળમાં અવશ્ય એક વખત આવવા જેવું છે. ધર્મશાલામાં સર્વ સાધનો મળે છે. ઉના પણ નજીક હોઈ જોઈએ તે ત્યાંથી મંગાવી શકાય છે. વળી ઉનામાં આ તીર્થની વ્યવસ્થાથે એક પેઢી પણ સ્થપાયેલા છે. તેના કાર્યકરો પણ સેવાભાવી સજજને છે, ઊનામાં જૈન ધર્મશાળા છે અને પાંચ જિનમંદિરે પણ બહુ સુંદર છે. અંતમાં આ પવિત્ર ભૂમિના દર્શનનો લાભ લેવા વાચકોને નમ્ર સૂચના છે.
For Private And Personal Use Only
| SR No. | 531418 |
| Book Title | Atmanand Prakash Pustak 036 Ank 01 |
| Original Sutra Author | N/A |
| Author | Jain Atmanand Sabha Bhavnagar |
| Publisher | Jain Atmanand Sabha Bhavnagar |
| Publication Year | 1938 |
| Total Pages | 39 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 5 MB |