________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૩૦૮
શ્રી આત્માનંદ પ્રકાશ. પહાડમાં કિલ્લા ઉપર પાછળ એક મોટું વિશાળ તળાવ છે. અહીં લુંટારૂઓ પડ્યા રહેતા હશે. આખા ગઢમાં ગમે ત્યાં છુપાઈ જાય તો પત્તો ન લાગે તેવું છે. બાકી અમે ગયા ત્યારે અમે તો કશુંય ભય જેવું ન જોયું. ત્યાં નહોતા લુંટારૂં કે ધાડપાડું. ત્યાં ન્હાતાં ભયંકર હિંસક પ્રાણીઓ કે હોતા દૂર પશુપક્ષીઓ. હા, સ્થાન જરૂર બિહામણું લાગે. કચેપચે કે એકલો માણસ જતાં ડરે; બાકી બે-ચાર માણસ હોય તે કાંઈ જ ડર જેવું નથી. અમને તે વિનાકારણ મિયાણે બીવડાવ્યા હતા.
ત્યાંથી દેઢ માઈલ દૂર સવાલીગામ છે. ત્યાં પણ એક ખાલી વસ્ત જિનમન્દિર જોયું. અહીં મન્દિરની દુર્દશા જોઈ બહુ જ દુ:ખ થયું. અન્દર ઘાસ ભરાયું છે, છાણું થપાયાં છે અને પુષ્કળ કચરો ભર્યો છે. અહીંના ઠાકોરે આ બધું ભર્યું છે. ઠાકોરને મકાનની તંગી હશે જેથી જેનોના મન્દિરમાં ઘાસ, પુળા, છાણાં અને કચરો ભરાવ્યું હશે. નાના નાના ઠાકર અને જાગીરદારે એવા તે તુમાખી, આપખૂદ અને જુલમી હોય છે કે તેઓ બીજાનું સાંભળતા જ નથી.
જિનમન્દિરની પાસે જ એક ઠાકોરજીનું મંદિર છે. અહીં ખૂબી એ છે કે ઠાકોરજીના મસ્તક ઉપર વીતરાગની મૂર્તિ છે. પહેલાં અમને ભ્રમ થયે હતું કે કદાચ બ્રહ્મશક્તિની મૂર્તિ હોય પરંતુ બરાબર તપાસતાં લાગ્યું કે વિષ્ણુ કૃષ્ણની મર્તિ છે અને મસ્તક ઉપર ત્રિલોકનાથ જિનેશ્વર ભગવાનની મૂર્તિ છે. ત્યાંથી ખરા મધ્યાન્હ તપતા અમે પુનઃ અજારી ગામમાં આવ્યા.
વસન્તગઢ ઘણું જ પ્રાચીન અને પુરાણું સ્થાન છે. ત્યાં જૈન ધર્મની જાહોજલાલી ઘણી જ સારી હતી અને આજે પણ પાંચ-સાત મન્દિરનાં ખંડિયેર પડયા છે. આગળના સમયમાં તે નગર ઘણું વિશાલ અને મોટું હતું. સવાલી, અજારી આદિ એ માં સમાઈ જતાં. અમે એ પવિત્ર સ્થાનોનાં દર્શન કરી પિંડવાડા ગયા,
For Private And Personal Use Only
