________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
જૈન મહાત્માઓની કેટલીક ભાવનાઓ.
પ્રેરણું કરનાર કર્મ છે. એ કર્મના બળ આગળ બીજી શક્તિઓ પામર છે. એ કર્મનું શુભ બળ પ્રાપ્ત થાય ત્યારે જ મનુષ્યના હૃદયમાં શુભ ભાવના પ્રગટે છે અને તે ભાવના મુક્તિની જિજ્ઞાસાને વધારે સતેજ કરે છે. આ સર્વોત્તમ બોધ સર્વ આત્માઓને સુલભ થાઓ.
ભાવના ૧૪ મી. મનને તાબે કરવાના પાંચ ઉપાયો મુખ્ય છે. સ્વાધ્યાય, યોગવહન, ચારિત્ર, બારભાવના અને મન, વચન કાયાના શુભાશુભ પ્રવૃત્તિના ફલનું ચિંતવન આ પાંચ ઉપાય રૂપ શસ્ત્રને ધારણ કરનાર વીરનર મન રિફને સત્વર તાબે કરી લે છે. આ સૂચન પ્રત્યેક ભવી આત્માના જાણવામાં આવે.
ભાવના ૧પ મી. દુઃખની સાથે સુખ અને સુખની સાથે દુઃખ ગુંથાયેલું છે. જેમ દુઃખથી દૂર ખસવું યોગ્ય છે તેમ સુખને પણ દૂરથી નમસ્કાર કરવા યોગ્ય છે. કારણ કે, તે બંને એકજ માતાના પુત્ર છે. જેમ દુઃખની પાછળ ભટકવું, એ પણ તેની મહત્તાને કલંકરૂપ છે, તેમજ સુખની પાછળ ભટકવું, એ પણ મનુષ્યની મહત્તાને લાંછનરૂપ છે. બુદ્ધિમાન પુરૂષે સુખ તેમજ દુઃખ ઉભયને સમાન માની ઉભય તરફ ઉપેક્ષા વૃત્તિ કરવી યોગ્ય છે. આ વચનામૃતનો અનુભવ દરેક મનુષ્યને પ્રાપ્ત થાઓ.
ભાવના ૧૬ મી. આ સંસારમાં સુખ અને દુઃખને જુદા કરી શકાતા નથી, તે ઉભય એક મુદ્રાની બે બાજુ છે. જ્યાં સુધી એ મુદ્રા હસ્તીમાં છે, ત્યાં સુધી એ બંને બાજુઓની વસ્તી હોવાની જ. જે સુખને શધે છે, તેણે દુઃખને પણ ભેટવું જ જોઈએ. આ સંસારમાં જ્યારે સુખ અને દુઃખ ઉભય સહચારી છે, ત્યારે માત્ર સુખજ આપણને મળે એમ ઈચ્છવું, એ કેટલું ખોટું છે ? આ ઈચ્છા જ આપણું દુઃખનું મૂળ છે. પ્રત્યેક મનુષ્ય આ ભાવનાને હૃદયમાં સ્થાપિત કરો.
ભાવને ૧૭ મી. પ્રત્યેક જીવ આત્મા છે, પ્રત્યેકની સાથે આપણો સંબંધ છે. પ્રત્યેકના અંતરમાં આશા છે. પ્રત્યેક કેઈપણ સુખની ઈચ્છા રાખે છે. પ્રત્યેકને પ્રેરણું કરનાર કર્મ છે. દરેક આપણાં બંધુ છે, કોઈની સાથે આપણે વૈરભાવ નથી. પ્રત્યેકના સુખ દુઃખમાં પ્રત્યેકને સરખે ભાગ છે, આ ભાવના દરેક મનુષ્યબંધુ ભાવ્યા કરે.
For Private And Personal Use Only
