Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૪૮
શ્રી આત્માનંદ પ્રકાશ.
આજે અમારા સાચા નેતા ચાલ્યા ગયા. ધર્મ અને ગુરૂના નામ ઉપર કુરબાન થનાર સાચા ગુરૂભકત વિદાય થયા. લાહોર, અમૃતસર, જડીયાલા, જાલંધર, હુશીયારપુર, બંગીયા, જેલમ, લુધીયાના, અંબાલા, પતીયાલા, માલેરકેટલા, પઢો. કસર, પિંડદાદરખાન, રામ સિયાલકેટ, નારેવાલે, પીપનાખા, કિલાદિદારસિંહ વગેરે શહેરોમાંથી હજારો ગુરૂભકત આવી પહોંચ્યા, કારતક વદી ૩૦ ના રોજ માંડવી (દેવ વિમાન સદશ) ગેટા કીનારી વગેરેથી શણુગારી બનાવવામાં આવી. શ્રી ઉપાધ્યાયજી મહારાજના શબને સ્નાન કરાવી, ચંદનાદિ વિલેપન કરાવી વસ્ત્રો પહેરાવી માંડવીમાં પધરાવ્યા, અને ચાર વાજાંવાળા ચાર ભજનમંડળી, નિશાનો અને અનેક મનુષ્યની સાથે શહેરના મોટા મોટા રસ્તા વચ્ચે થઈને સ્વર્ગવાસી ગુરૂમહારાજના સમાધિ મંદિરની પાસે પહોંચ્યા. લાલા કુંદનમલ મુનાહની જગ્યામાં સાડાચાર વાગે ચંદનની ચિતામાં અગ્નિસંસ્કાર કરવામાં આવ્યો. માંડવી પર પંજાબના રિવાજ મુજબ બાસઠ (૬૨) દુશાલા પડ્યા જે રૂા. ૧૧ થી રૂા. ૭૦ ની કિંમતના એકેક હતા. અહીંના રિવાજ મુજબ સર્વ શહેરના હજામને આપી દેવામાં આવ્યા, અહીં સ્થાનકવાસી ભાઈઓએ પણ આજે સર્વ દુકાનો બંધ રાખી હતી. સર્વની સાથે નિર્વાણ મહોત્સવમાં સામેલ હતા. તેના તરફથી ચાર દુશાલા આવ્યા હતા.
- આચાર્ય શ્રી વિજયવલ્લભસૂરિજી મહારાજ શિષ્ય સમુદાય સાથે સ્વર્ગવાસી ગુરૂમહારાજના દર્શનાર્થે પધાર્યા. તે વખતે સમાધિમંદિરમાં વૈરાગ્ય ધર્મોપદેશ દેતાં જણાવ્યું કે “મરનેસે ડરના નહિં ચાહીયે, ઔર મરનેકી ઈચ્છા ભી કરના નહીં ચાહીયે, પરંતુ મરને કે લીયે હંમેશા તૈયાર રહેના ચાહીયે.” વગેરે છેવટે સ્વર્ગવાસી ઉપાધ્યાયજી મહારાજની બે ભાવના પંજાબના શ્રી સંઘને જણાવી કે “એક પંજાબ ગુરૂકુળની સારી રીતે પ્રગતિ કરવી અને બીજી સંગઠન કરવું.” એમ જણાવતાં કહ્યું કે એ બહાદુરે એકલે એટલી હિંમત બાંધી હતી તો તમો અને અમે મળીને એટલી હિંમત નહીં કરી શકીયે ? એમ ઉપદેશ આપી ગુરૂરાજ ઉપાશ્રય પધાર્યા. ઉપાધ્યાયજી મહારાજે જે જે ઉપકાર પંજાબના સંધ ઉપર કરેલ છે તે ભૂલી નહિ શકાય તેવા છે. સમય ઉપર તેઓશ્રીનું જીવન ચરિત્ર જૈન સમાજ સન્મુખ રજુ કરીશું. વદી ૧૩ ના રોજ આચાર્ય મહારાજ શ્રી વિજયકમલરિશ્વર, પ્રવર્તકજી મહારાજ, શ્રી કાન્તિવિજયજી મહારાજ, શાંતમૂર્તિ શ્રી હંસવિજયજી મહારાજ આદિ મુનિરાજોને ઉપાધ્યાયજી મહારાજે પોતાની તરફથી અંતિમ ખામણાના પુત્ર શ્રી ગુરૂમહારાજની મારફત લખાવ્યા હતા.
લી. દીનાનાથ દગડ જેની
ગુજરાનવાળા પંજાબ.
૨ “વડોદરામાં મંગળ માળા પ્રસંગે નિકળેલા વડા.”
વડોદરામાં ઉપધાન તપની સમાપ્તિ પ્રસંગે માગશર સુદિ ૬ ના દિવસે ઝવેરી લાલભાઈ તરફથી જલયાત્રાનો મોટો વરઘોડો ચાંદીની અંબાડી સહિત નિકળ્યો હતો, અને સુદી ૮ ના દિવસે સુતરીઆ તરફથી ઉપધાન માળાઓને મહાન વરઘોડો નિકળ્યો હતો, આ વરઘોડામાં પ્રભુનો ચાંદીનો રથ, અને ગાયકવાડ સરકારની ચાંદીની બે અંબાડીઓ અને પાના હોદાવાલા ઝુલતા હાથીયો વધેડાના શણગાર રૂપ હતા, તેમાં બગીઓ, મેટરો, ઘોડાગાડીએ, ઠેલાગાડીઓ અને સણગારેલા ઘોડા ઉપર આરૂઢ થયેલા સુમારે ૧૦૦ સાંબેલા તેમાં વધારો કરી રહ્યા હતા. મુનિરાજ શ્રી હંસવિજયજી મહારાજ તથા પન્યાસ શ્રી સંપતવિજયજી ગણિ આદિ મુનિ
For Private And Personal Use Only
| SR No. | 531267 |
| Book Title | Atmanand Prakash Pustak 023 Ank 06 |
| Original Sutra Author | N/A |
| Author | Jain Atmanand Sabha Bhavnagar |
| Publisher | Jain Atmanand Sabha Bhavnagar |
| Publication Year | 1925 |
| Total Pages | 28 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 3 MB |