________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રુતસેવાનો આત્મીયતાભર્યો એક અભિપ્રાય
મુંબઈના શ્રી ઉવસગહરં સાધના ટ્રસ્ટ દ્વારા જૈન વિશ્વકોશનું એક ભગીરથ કાર્ય ચાલી રહ્યું છે. આમાં જૈન ધર્મનાં તીર્થો, તીર્થંકરો, સાધુ-મહાત્માઓ, સાધ્વીજીઓ, પર્યો, મહત્ત્વની ઘટનાઓ, સંસ્થાઓ, જુદાં જુદાં ક્ષેત્રમાં કાર્ય કરનાર પ્રતિભાઓ વગેરે અનેક વિષયો આ વિશ્વકોશ (એન્સાઇક્લોપીડિયા)માં સામેલ છે. પ. પૂ. નમ્રમુનિજીનો આમાં અમૂલ્ય સહયોગ સાંપડ્યો છે. આ સંદર્ભમાં અમે તા. ૩૦મી જુલાઈ અને ૩૧મી જુલાઈ એમ બે દિવસ શ્રી મહાવીર જૈન આરાધના કેન્દ્ર, કોબામાં સંશોધનકાર્ય માટે દસેક વિદ્વાનોને નિમંત્રણ આપ્યું હતું. એમાં શ્રી ગુણવંત બરવાળિયા, મધુબેન બરવાળિયા, ડૉ. રેણુકા પોરવાલ, ડૉ. રેખાબેન વોરા, ડૉ. નલિનીબેન દેસાઈ, ડૉ. પાર્વતીબેન ખીરાણી, ખીમજીભાઈ ખીરાણી વગેરે વિદ્વાનો આવ્યા હતા અને બે દિવસ કોબામાં જ રહીને એમણે વહેલી સવારથી મોડી રાત સુધી આ સંશોધનકાર્ય કર્યું હતું.
આ સંશોધનકાર્યમાં શ્રી મહાવીર જૈન આરાધના કેન્દ્ર કોબાના શ્રી કૈલાસસાગરસૂરી જ્ઞાનમંદિરનો અત્યંત કીંમતી સહયોગ મળ્યો છે. આ સંશોધકોને કોઈ પુસ્તક મળે એટલે બધું મળી જાય. આપની સંસ્થામાં અમે જે કોઈ પુસ્તકો અને વિગતો માગી, તે અમને તત્કાળ મળી છે. દરેક સંશોધક જ્ઞાનમંદિરની વ્યવસ્થા, ત્વરિતતા અને કાર્યકુશળતાથી પ્રભાવિત થયા હતા. આ સંશોધકોને એમ લાગ્યું કે ફરીવાર મુંબઈથી અહીં આવીને પુનઃ સંશોધનનું કામ આગળ ધપાવવું. આ રીતે આપની સંસ્થાએ આ જ્ઞાનપ્રવૃત્તિમાં અત્યંત કીંમતી સહયોગ આપ્યો તે માટે તે સહુ વતી તેમજ અંગત રીતે હું આપનો ઋણી છું. આ ગ્રંથ જ્યારે પ્રકાશિત થશે, ત્યારે તેમાં આપની સંસ્થાનો આદરપૂર્વક ઉલ્લેખ કરીશું અને એનું પ્રકાશન થાય ત્યારે આપને અમે કાર્યક્રમમાં ઉપસ્થિત રહેવા માટે નિમંત્રણ પણ પાઠવીશું.
પુનઃ આપ સહુ ટ્રસ્ટીઓનો, શ્રી મુકેશભાઈ શાહનો, શ્રી કનુભાઈ શાહનો તથા જ્ઞાનમંદિરના પંડિતો અને કર્મચારીઓનો અમે આભાર માનીએ છીએ.
For Private and Personal Use Only
– કુમારપાળ દેસાઈ
– ગુણવંત બરવાળિયા
