Page Text
________________
રાધનપુરી ભાઈઓનું આનંદ સંમેલન.
રાધનપુર ખાતે બાંધવામાં આવેલી ધર્મશાળા તેઓની યાદ હંમેશને માટે આપણું મગજમાં તાજી રાખશે. મરહુમની ઈચ્છા રાધનપુરના મુંબઈમાં વસતા ભાઈઓ માટે સસ્તા ભાડાનાં મકાન બાંધવાની હતી. પરંતુ તે ઈચ્છા પાર પડી શકી નહિ. આપણે ઈચ્છીશું કે તેઓનાં ધર્મ પત્ની શ્રીમતી તારાબાઈ તથા તેઓના પુત્ર ભાઈ ધીરજલાલ મરહુમનું અધુરૂં રહેલું કાર્ય તથા ભાવના પુરી કરવાનું મન ઉપર લેશે.
પુરુષો ઉપરાંત સ્ત્રીવર્ગ પણ સ્વતંત્ર રીતે ઉદારતા અને સેવાના કાર્યમાં પાછળ નથી. શેઠાણી ગબલીબાઈએ થરાદ મુકામે સ્કુલ બંધાવી આપી હતી અને તે બદલ તેમની સેવાના પીછાણમાં નામદાર હીંદી સરકાર તરફથી કૈસરે હિદને મેડલ તેઓને બક્ષવામાં આવ્યો હતો. મુંબઈને તે વખતના નામદાર ગર્વનરે પુના ખાતે ગર્વનરની લેવીમાં તેઓને ખાસ આમંત્રણ આપી બોલાવ્યાં હતાં. અને સદરહુ મેડલથી સ્વર્ગસ્થ શેઠાણીને સુશોભિત કર્યા હતા. મુંબઈના રાધનપુર જૈન મંડળે પણ તેઓના જાહેર કાર્યની કદર કરી હતી અને મરહુમ સોલીસીટર દમણીયાના પ્રમુખપણા નીચે જાહેર મેળાવડો કરી તેઓને તથા શેઠ મતોલાલ મુળજીને માનપત્ર તથા કાસકેટ એનાયત કર્યા હતા.
હવે હું એવા ગૃહસ્થ તરફ દષ્ટિ કરું છું કે જેઓએ દાનની દિશામાં કાતિ યાને રેવેલ્યુશન કરેલ છે. આ ભાઈનું નામ શું આપવાની જરૂર છે? આપણને બહારની દુનિયામાં ઉજળા દેખાડનાર આ ભાઈ તે શ્રીયુત કાન્તિલાલ ઈશ્વરલાલ છે. એ ભાઈએ પાંચ ભાગ્યા ત્યાં પચીસ અને પચાસ માગ્યા ત્યાં લાખ આપ્યા છે. આ બંધુની સખાવતે જગજાહેર હોઈ તે જણાવવાની જરૂર નથી. પરંતુ રાધનપુરની બેડીંગ તથા શ્રી શંકુતલા કાન્તિલાલ ઈશ્વરલાલ કન્યાશાળાનું નામ આપ્યા વિના મને ચાલતું નથી. આ બન્ને સંસ્થાઓને સવા સવા લાખ આપવા છતાં આ ભાઈ હજુ થાકતા નથી અને નાની મોટી કોઈપણ ચીજની જરૂર જણાય તો તે લાભ મારે લેવો જોઈએ એમ કહી કાર્યકર્તાઓને ખૂબ ઉત્તેજીત કરી હસભર્યા રાખે છે. શ્રી શંકુતલા કાન્તિલાલ ઈશ્વરલાલ કન્યાશાળા બીલ્ડીંગ હસ્તીમાં આવવામાં ભારે થોડો ઘણે પણ હિસ્સો છે અને આજે તેથી હું વધારે મગરૂર છું. હમેશના રીવાજ મુજબ શ્રી માંગરોળ જન સભાને દશેરાનો ઉત્સવ શ્રી કાન્તિલાલ બકરદાસના પ્રમુખપણ નીચે સર કાવસજી જહાંગીર હાલમાં ઉજવવામાં આવ્યો હતો. જે પ્રસંગે સંસ્થાને મકાનની જરૂરીયાત ઉપર સભાજનોનું ધ્યાન ખેંચવામાં આવ્યું હતું. વળતેજ દીવસે શ્રીયુત કાન્તિભાઈને હું મળ્યો અને આ યશ આપે લે એવી મેં તેમને વિનંતી કરી. મને ટુંક વખતમાંજ ખબર મળી કે શ્રીયુત કાન્તિલાલ ઈશ્વરલાલે મોટી રકમની ઓફર આ કાર્ય માટે સંસ્થાના વહીવટકર્તાઓ પાસે મુકી છે. સારા નસીબે તેઓની આ ઓફર સ્વીકારવામાં આવી, જેના પરિણામે તેઓનો કીર્તિસ્થંભ આ મંડપની તુરતજ પાછળ કવીન્સ રોડ ઉપર તૈયાર થયો છે. અને ટુંક વખતમાં તે ખુલ્લો મુકાયેલો જાહેર કરવામાં આવશે. આપણે આશા રાખીશું કે શ્રીયુત કાન્તિભાઈ પોતાની સખાવતને ઝરે ન્યાતજાતના ભેદભાવ વગર મનુષ્ય જાતના ઉપયોગ માટે સદાને માટે ખુલ્લું રાખશે અને રાધનપુરીને તાજમાં અનેક કલગીઓનો ઉમેરો કરશે.
સેવાની બાબતમાં રાધનપુર જૈન મંડળના આદ્ય પ્રમુખ શેઠ હરગોવિંદદાસ પુનમ ચંદ, ગુજરાતી મંડળીના પ્રમુખ તથા શેરબજારના ડીરેકટર સ્વ. શેઠ વાડીલાલ પુનમચંદ તથા રાધનપુરના ગ્રાન્ડ ઓલ્ડ મેન તરીકે જાણીતા થયેલા શેઠ ચુનીલાલ વીરચંદના નામે
| SR No. | 522514 |
| Book Title | Jain Dharm Vikas Book 02 Ank 02 |
| Original Sutra Author | N/A |
| Author | Lakshmichand Premchand Shah |
| Publisher | Bhogilal Sankalchand Sheth |
| Publication Year | 1942 |
| Total Pages | 36 |
| Language | Gujarati, Hindi |
| Classification | Magazine, India_Jain Dharm Vikas, & India |
| File Size | 9 MB |