________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
' શ્રી જૈન સત્ય પ્રકાશ
1 વર્ષ ૭ संवत् १५४५ (१) राव हमीर रावत फलों बांभणारी गोंकलरी ठोडं फलोदि वसाई ।
संवत् १२१२ सांवण सुदि १२ राव जेसल आपरै नाम लोद्रवो भांजिने जेसलमेर वलायो।
संवत् १०७० नाहडराव पडिहार मंडोवर वसायो । आगै मांडवरिषीस्वररी थापना थी। संवत् १६१९ मालै पचायणोत परमार मालपुरो वसायो । संवत् १५४४ बीकै जोधावत बीकानेर वसाइ । संवत् १६६५ गोड राजा वीठलदासोत गोपालदासोत राजगढ़ वसायो । संवत् १६१२ अकबर पातिसाह आगरो वसायो । संवत् १४३८ राव मल्लिनाथजी महेवो वसायो । संवत् १११५ दाहिमै ब्राह्मण मतिकवास प्रथीराज चहुवांणरो परधान, नागोर वसाइ । संवत् ७३१. राजा भोज धारा नगरी हुवो, नै भोजरो रांणी भानमती तिग भिणाय वसाइ। संवत् १११२. जैतु गुज़री जैतारण वसाई । ........... संवत् ८०२ वनराज चावडै गुजरातमै पट्टण वसाई । ....
संवत् १६६७ राठोड किसनसिंघ उदैसिंघोत किसनगढ वसायो । पहिला पिडगनो सोझेलावरो थो, सो हिवै तो गांव ज्यु छै । जाट लोक रहै छै । पछै राजा रूपसिंघ भारमलोतनै च्यार हजाररो मनसतो हुवो, तद रूपनगर वसायो। पहली राजधान किसनगढ थो सो संन्यासीरी दवांसु रूपनगर वसियो । . -संवत् १६७२ किसनसिंघजी काम आया तरै किसनगढरो कोट पूरो न हुवो। संवत् १६०१ कछवाहै सांगै अथीराजोत सांगानेर वसायो । संवत् १३०१ आंबै राजा आंबेर वसाई । संवत् ९८२ चोवीस वगडावत हुवा ।
संवत् ९९२ देवधरम राजा हुवो, तिण वगडावतारो वैर लियो । ____ संवत् १२५० पावूजी गायांरी वाहर चढिया में काम आया। त? चांदी थोरी १५० दोढसै थोर्यासु काम आयो, मुंहडा आगे।
संवत् १६२१ चांदो वीरमदेवोत नागोर, हसनकुलीखानसुं चूक करिनै नीसरणी नांखनै चढ़ता था, तरै चाकर हसनकुली रै वागारो चाल झालियो सो वाढियो। मुगल २ टणका ले रह्या।
संवत् १७३८ राजा जैसिंघ कछवाहै जैपुर वसायो। पहला राजधांन अबिर थी। नसंवत् १७८५ राजा जेसिंघ मेरां उपर मंगरै आयो । संवत् १४४२ महमद बेगडो पातिसाह गुजरातमैं अहमदावाद वसाई ।
संवत् १४३४ रांणपुर नगरमै देवल करायो धन्ने पोरवाड । निनाणु लाख द्रव्य लगायो। निणरै पाखती देवल १ सोमल पोरवाड करायो । तिणमै नागी पुतली छै ।
For Private And Personal Use Only
