Page Text
________________
8
.
M. A. Dhaky
SAMBODHI गतिपरिक्कमन्नू इति वच्चा से पुरिसे अभिक्कमे तं पुक्खरणिं जाव जावं च नं अभिक्कमे ताव तावं च नं महंते उदगे महंते सेते पहीने तीरं अप्पते पउमवरपुंडरीगं नो हव्वाते नो पाराते अंतरा सेतंसि विसन्ने चतुत्थे पुरिसज्जाते ।
अथ भिक्खू लूहे तीरट्ठी खेतन्ने कुसले पंडिते मेधावी अबाले मग्गत्थे मग्गविदू मग्गस्स गतिपरिक्कमन्नू अन्नतरीतो दिसातो अनुदिसातो वा आगम्म तं पुक्खरणी तीसे पुक्खरणीए तीरे ठिच्चा पासति तं महं एगं पउमवरपुंडरीगं अनुपुव्वट्ठितं ऊसितं रुतिलं वनमंतं गंधमं तं रसमंतं फासमंतं पासादीतं दरिसनीतं अभिरूवं पडिरूवं । ते च चत्तारि पुरिसजाते पासति पहीने तीरं अप्पत्ते पउमवरपुंडरीगं नो हव्वाते नो पाराते अन्तरा सतंसि विसन्ने । तते नं से भिक्खू एवं वदासी-अहो नं इमे पुरिसा अखेतन्ना अपंडिता अमेधावी बाला नो मग्गत्था नो मग्गविदू नो मग्गस्स गतिपरिक्कमन्नू जं नं एते पुरिसा एवं मन्ने अम्हेत पउमवरपुंडरीगं उन्निक्खिस्सामो नो च खलू एतं पउमवरपुंडरीगं एवं उन्निक्खेत्तव्वं जथा न एते पुरिसा मन्ने । अहमंसि भिक्खू लूहे तीरट्ठी खेतन्ने पंडिते वियत्ते मेधावी अबाले मग्गत्थे मग्गविदू मग्गस्स गतिपरिक्कमन्नू अहमेत पउमवरपुंडरीगं उन्निक्खेस्सामि त्ति कट्ट इति वच्चा से भिक्खू नो अभिक्कमे तं पुक्खरणिं तीसे पुक्खरणीए तीरे ट्ठिच्चा सबै कुज्जाउप्पताहि खलु मो पउमवर ! उप्पताहि खलु भो पउमवर ! अथ से उप्पतिते पउमवरपुंडरीगे !
[पुरातनं भाष्यम्]. किट्टिते नाते समणाउसो ! अढे पुन से जानितव्वे भवति ! भंते ! त्ति समणं भगवं महावीरं निग्गंथा च निग्गंथीओ च वंदंति नमसंति वंदित्ता नमंसित्ता एवं वंदासी-किट्टिते नाते समणाउसो ! अटुं पुन से न जानामो समणाउसो ! त्ति समणे भगवं महावीरे ते च बहवे निग्गंथा च निग्गंथीओ च आमंतित्ता एवं वदासी-हंता समणाउसो ! आतिक्खामि विभावेमि किट्टेमि पवेदेमि सअटुं सहेतुं सनिमित्तं भुज्जो भुज्जो उवदंसेमि । ६८५ से बेमि
लोगं च खलु मए अप्पाहटु समणाउसो । सा पुक्खरणी बुचिता । कम्मं च खलु मए अप्पाहटु समणाउसो ! से उदगे बुचिते । कामभोगा च खलु मए अप्पाहट्ट समणाउसो ! से सेते बुचिते । . जन-जानपदं च खलु मए अप्पाहटु समणाउसो ! ते बहवे पउमवरपुंडरीगा बुचिता।
Jain Education International
For Personal & Private Use Only
www.jainelibrary.org
| SR No. | 520786 |
| Book Title | Sambodhi 2013 Vol 36 |
| Original Sutra Author | N/A |
| Author | Jitendra B Shah |
| Publisher | L D Indology Ahmedabad |
| Publication Year | 2013 |
| Total Pages | 328 |
| Language | English, Sanskrit, Prakrit, Gujarati |
| Classification | Magazine, India_Sambodhi, & India |
| File Size | 7 MB |