________________
136 जितेन्द्र शाह
SAMBODHI नमुक्कार कहिऊण चडिओ दिव्वं च सिंहासणं जायं । दिव्वो दित्तज्जोओ सद्दो दिव्वो दुंदुहिं निग्घोसो । तं दट्ठणं अच्छेरयं ससंभंता कहियं गंतूण रायस्स जहट्ठियं । आगओ सयमेव सपरिवारो राया नागरलोगेण सहिओ । तं च दद्रुण नरवइ विम्हिउं हियएण चिंतिए-अहो अहो पेच्छ पेच्छ निरखराही पेक्खं च धम्मफलं ते आणेह दुट्ठ लहुं जेण कलंकिओ एस वि महासत्तो । तओ भिच्चेहि सिग्घमेव आणीओ चित्तूण सूलाए ढोइओ । नागदत्तेण तस्स अभओ दनाविओ तओ मुक्को कुंडलं अप्पिऊण गओ विमणदुम्मणो लोगेण खिज्जंतो सो नागदत्तो । राइणा सयकलसेहिं अहिसित्तो हत्थिखंधेणारोविउं तुदंडपुरियं उवरिमे छत्तं धरियं जय जय सद्दरवेणं नयरि पइसारिओ साहुकारो दिनो लोगेणं । ता एए गुणा असंतपरिग्गहं वज्जयंतस्स।
ता पुत्तय ! असंतं परिग्गहो न कायव्वो जहा कओ महेसरदत्तेणं । तं कुंडलं अप्पणो चित्तूण रायसंतियं नागदत्तस्स उल्लवियं तुट्ठो नागदत्तो । राइणा महेसरदत्तो दंडिऊण मुक्को । एए दोसा हवंति नागदत्तो संवेगमावन्नो पव्वइओ आयरियस्स पायमूले तवं काऊण देवलोगं गओ । देवो समुप्पनो ।
ता धम्मसीलाओ ! एए गुणा असंतपरिग्गहे अकए जहेव नागदत्तस्स । तओ भणियं सव्वाहिं वि जुवइहिं । भगवं ! अम्हाणं वि नियमो । जेणेरिसा परव्वसाओ इहेव परभवे वा न होही ।
सो भगवया दिन्नो नियमो | परमाए भत्तीए पडिवन्नो ताहिं ।
इत्थं तहा भणिओ गंडेण, सो महामुणी खमउमहं पंच-सयाणि कसप्पहाराणि । तुह पुवचितियं अवराहं । ता मह विसुद्धो संवेगो ता भगवं ! देसु मज्झ वि अणुव्वयाणि सावगधम्म पालेमि । तओ भगवया दिनाणि पंचअणुव्वयाणि । जाओ परमसावगो जिणवरभत्तो गुरुदेवसूस्सूसापरो मुक्खसुहमग्गमाणो अच्छइ गंडो सुहसमग्गो ।
गंडस्स कहाणयं सम्मत्तं ॥छ।
Jain Education International
For Personal & Private Use Only
www.jainelibrary.org
