Page Text
________________
120 जितेन्द्र शाह
SAMBODHI सो मुणिवरो बालियाहिं धम्मकहाणयाई कहेइ-पुत्ति ! जीव-पीडा न कायव्वा जावजीवाए । पाणाइवाए जे दोसा हुंति ते निसामेह एगग्गमणे
तेणं कालेणं तेणं समएणं संखउरं नामं नयरं । तत्थ सागरदत्तो नाम सेट्ठी। तस्स संपया नाम भज्जा । पुत्तो से मुणिचंदो । अन्नं च-सहजायगो थावरउ नाम दासो चेडीतणओ । सो वि ताहिं विणीओ सुट्ठ । तस्स संखउरसमीवे वडवई नाम गोउलं । गो-महिस-समाउलं रम्मं, सो ताओ नयराओ मासे मासे पडिगमणं करेइ, घयाणं गोरसाणं गढिया भरेऊण आणेइ। अह अन्नया कयाइ सागरदत्तो केणइ कम्मदोसेण मओ । संपयाहिगुठ्विणी सुयस्स पच्छा पसूया दारिया जाया । एवं वच्चइ कालो । सो य मुणिचंदो थावरउओ य कमेण जुव्वणं पत्ता । सा संपया थावरं पासिऊण लुद्धा, दुस्सीला महापावा । चितेइ य-"केणं उवाएण एएण समं भोगा भुंजियव्वा । सा तस्स थावरस्स पहाण-भोयण-वेलाए उवयारं करेइ । सो न लक्खेइ । चितेइ 'सइत्तणं करेइ ताव जाव जाणाविओ इंगियाए मित्तवत्तवियारेहिं भणइ य सा पावा-थावरय ! ' मम सद्धि भोगे भुंजाहि । मुणिचंदो मारिऊण घरस्स सामिओ होह । अवि य
रागईरत्ताओ, महिलाओ जं करंति पावाओ ।
एय पुत्ताण य वहणं करति अइपावकम्माओ ॥ सो थावरगो भणइ, कहं मारीहामि ? सा भणइ पावा-गोउलं तुमे पट्टवेसु, पुण तुमं मुणिचंदखग्गं कड्डिऊण अडवीए छलेण मारिज्जसु'त्ति । तेण तह त्ति पडिवन्नं । तं वयणं बालियाए सुयं । चिंतेइ-'मम भाया मारिज्जहि'त्ति । एवं सो मुणिचंदो बाहिराओ आगओ बालियाए दिह्रो । रोवमाणी सा साहेइ जहादिटुं । तेण सा बाला तुहिक्का कया उच्छंगे घित्तूण पउलीए पविट्ठो । सा माया तं दट्ठण रोवेइ । अंगुट्ठी काऊण महासद्देण विलवमाणी पुत्तेण पुच्छिया-अम्मो ! कीस रूयसि ? केण वि विरूवं भणियं ? किं अम्मो विसीयइ कज्जं जेण रूवसि ? सा भणइ-पुत्त! विसूरणं रोवेमि । जया ते पिया जीवंतो तया मासे मासे घय-गोरसं गढियं भराविऊण आणाविसु । तओ तुमं पुण अपंडियं जेणं न करेसि । सो भणइ-अम्मो ! मा अद्धिई करेसि । काले दुवे जणा गच्छिस्सामो थावरओ अहं पि । सा तुहिक्का ठिया । सो य बीयदिवसे थावरएण सहिओ आसे चढिऊणं वडवई पत्थिओ, जं च वयणं भगिणीए साहियं तं च हिए ठियं, ससंको जमलो ठिओ, जाई सो य थावरओ चितेइ-'जइ कह वि अग्गउ ठाइ तओ अहं मारेमि ।' एवं गच्छंताण खेडपएसं आगयं । तेण चिंतियं—'एसो अवसरो' तेण पावेण कसप्पहारो दिनो त्ति घोडयस्स मुणिचंदतणयस्स सो अग्गए ठिओ । सासंको उवलक्खंतो गच्छइ तेण य पच्छइ ठिएण खग्गं कड्डियं, मुणिचंदेण नायं, उत्थाहएण पासिऊण आसो पिल्लित-महावेगेणं छुट्टो य, तस्स अवसराओ पत्ता य वडवई । पइट्ठा गोसंखियस्स गेहे । दिग्घाय सद्देण भणियं च तेण, सुसागयं सुसागयं ! सो मुणिचंदो समाइच्छिओ सिणेहेणं बहुमन्निओ सद्देणं । अभिगिओ मज्जिओ, सुहेणं भोयणविहाए भुंजिय
Jain Education International
For Personal & Private Use Only
www.jainelibrary.org
| SR No. | 520774 |
| Book Title | Sambodhi 2001 Vol 24 |
| Original Sutra Author | N/A |
| Author | Jitendra B Shah, K M Patel |
| Publisher | L D Indology Ahmedabad |
| Publication Year | 2001 |
| Total Pages | 162 |
| Language | English, Sanskrit, Prakrit, Gujarati |
| Classification | Magazine, India_Sambodhi, & India |
| File Size | 4 MB |