________________
२४६
तहगलोला
सा वि गया जा तुरियं ताय-गिहंतर-गयं भवणं । रयण-करंडय-हत्थे। पिओ पि मे आगओ ताव ।।२२९ तमहं बेमि सविलया आभरणाणं विसज्जिया चेडी। सा जाव तओ आवइ ताव मुहुत्तं पडिक्खामो ॥२३० सो भणइ मंत-भेओ दूईओ होज्ज कीस सा मुक्का । गहियं च मए वित्तं सव्वाभरणं ति वच्चामो ॥२३१ तो तेणेवं भणिया तस्स य छंदमणुयत्तमाणा हैं । अपडिक्खिय-सारसिया तुरियं संपत्थिया घरिणि ॥२३२ तो सव्व-रत्ति-जण-हिंडणेण नगरिं अवंगुय-दुवारं ।। ददलु निग्गच्छामेतत्तो जउणं समो इण्णा ॥२३३ अह तत्थ नियच्छामा नावं खीलाम्मि रज्जु-पडिबद्धं ।। लहुयं गमण-समत्थं विस्थिण्णाछिड्ड-कुच्छीय ॥२३४ तं उच्छाडिय-बंधणमारूढो सह मए पउमदेवा । अबलाणकं च गेण्हइ निक्खित्त-करंडओ समयं ॥२३५ नागाणं च पणामंजलिओ (?) काउं नईए तीए य । कंतेण कयाणुगुणा जउणा-सोत्तस्स जा नावा ॥२३६ ताणे दाहिण पासे तत्थ सियाला लविसु सोहिं(?) च । तस्सह भणइ पिओ माणामो खणमिर्ण सउणं ॥२३७ वामा खेमा घाएंति दाहिणा मग्गओ नियत्रोंते । वह-बंधणं च पुरओ देति सियाला अणुसरंता ।।२३८ एवं चुल्लविऊण वि रमणो आवाय-संकिओ तत्थ । जउणाण सोत्त-हुत्तिं नावं वेगेण पेल्लवेइ ॥२३९ जंताण य नावाए परोप्परुल्लावओ सहरिसेणं । गंधव्व-विवाहेणं पिएण परिणितु भुत्ता हं ॥२४० भागीरहीए मज्झे कमेण नावाए तीए दुभंता । चक्कवाय व्व रमिमो चिरिहं जामुग्गओ सूरो ॥२४१ तत्तो य रइ-किलंता नावं मोत्तु नईए पुलिणम्मि । जावच्छामो ता तत्थ निव्वडिया भीम-चोर-भडा ॥२४२ दटुं च ते रणत्थं समुत्तसंतो य पाय-लग्गाए । धरिओ मए पिययमो तो गहिया दो-वि चोरेहिं ॥२४३ तत्तो हं रोवंती भणिया हकित्तु घरिणि चोरेहिं । जइ दासि कासि रोलं ता तरुणमिणं वहेहामो ॥२४४
