________________
तरंगलोला
२३३
अह अन्नया कयाई कालागुरु-धूव-गंध-मघधिए । चित्त कुसुमोवयारे आसणहरए सुह-निसण्णो ॥२८ हाय पसाहिय जिमिओ ताओ अम्मा-जुओ मह कहाहि । अच्छइ कालो य तया सरओ किर पढममुम्मिल्लो ।।२९ ण्हाया अहं पि य पणया जिणाण तत्तो सणंकुमारं च । कुल देवयमच्चित्ता अम्मा पिउ-वंदया एमि ॥३० तत्थ वि पणया पिउणो पाय-ग्गहणेण तह य माऊए । तेहि वि निवेसिया हं वोनुं जिणहि ति निय-पासे ।।३१
तो सत्तछयस्स-प्पढम कुसुम-पिंडीउ पुडय-संपुडए । घेत्तुं तत्थागया य फुल्लहरी णे भणइ ताय ।।३२ गहवइ वट्टइ सरओ नट्ठा सत्तूहि ते समं मेहा । संपइ जह पउम-सरं तह सेवउ त वर लच्छी ।।३३ एवं चोवसिलोइय सा फुल्ल-पडिग्गिणी गहवइस्स । उवणेइ वि(?) संपुडियं पुडय तं सत्तिवण्णाण ॥३४ तत्थुग्घाडिय निग्गय पहाविओ दस-दिसाउ पूरे तो । गयवर-मय-गंधो विव गंधो सो सत्तिवण्णाण ॥३५ तो सन्तिवण्ण-पुण्ण तं पुडय' मत्थयम्मि काऊण । पुप्फेहि समुक्खेवं अरहंताण कुणइ ताओ ॥३६ अण्णे य पुप्फ-गोच्छे निय-स्थि-पुत्ताइएसु वियंरतो । देइ ममं ताओ तह पेसइ सकलत्त-पुत्ताण ॥३७
पेच्छइ य उक्खिवंतो पुडयाओ सत्तिवण्ण-पिंडीओ । परिपंडराओ तम्मज्झ संठिय पीय-पिडि च ।।३८ अग्घाइऊण सुचिरं मझ पणामेइ त कुसुम-पिडि । भणइ य मुणेहि [पुत्तय इमीए वण्णाहि] गारमिण ।।३९ तं पुप्फ-जोणि-सत्थं सुसिक्खिया गंध जुत्ति-सत्थं च । ता कोसल्लं होही तुम्हे भणिमो तुम तेण ॥४० पयईए पंडुराओ पिंडीओ पुत्ति [सत्ति]वण्णाण । कारण-जाएण इमा केणं पुण पीइया पिंडी ॥४१