________________
..तरंगलीला
भाणीय गहवई वि य सद्धम्म चरणमारुहेमाणा । घत्था(?) जत्थ बहु-दुक्ख-संकडाओ कुडुम्बाओ ॥१६००. अभिनिक्खंता खंता य पेम-बंध-नियलेहि उम्मुक्का। उवसंत-राग-दोसा सम-सुह-दुक्खा सुमुणी जाया ।।१६०१ धण्णा कलत्त-गोत्तीहिं निग्गया पेमा-बंधण-विमुक्का । . अवगय-माण-कोहा चरंति धम्मं जिणक्खायं ॥१६०२ इच्छिय-विसय-सुह-निवेसणस्थ निव्वुय-मणा नवरि अम्हे । न चएमो निस्सरिलं मोह-नियल-बंधण-निबद्धा ॥१६०३ एयाणि य अण्णणि य बहूणि तव-नियम-तेय करणाणि । भाणीय सुदछु परमत्थ दिट्ठी-धम्मो तहिं सेठी ।।१६०४
देहतर-संकंति व्य तत्थ ने सोग-गहिय-हिययाओ । ससुर-घर-कूल-धरासणणीउ महिला परुग्णाओ ॥१६०५ ताहि य पउर-विलविय-कलुणाहि दुहियाहि रोवमाणीहिं। आवरिसिया व अंसूहि तस्स भूमी उबवणस्स ॥१६०६ अह सेहि-सत्थवाहा स-महिल-मित्त-जण-बंधव-समग्गा। घेत्तूण बाल-कण्णे नयरिमइगया परोयंता ॥१६०७ .. तम्मि य जण-हलबोले पेच्छय-पच्छाइयं तयं समणं । अम्हेसु लग्ग-दिट्ठी सेट्ठी विमणो उदच्छीय ॥१६०८ सव्वो वि वाणिय(?)-जणो संत-परिचाय-विम्हिओ अम्ह ।। धम्माणुराग-रत्तो जेणागयमेव वक्कतो ॥१६०९
अह तत्थ समण-लच्छी-समस्सिया रूविणी खम च्चेव । गणिणी गुण-संगणिणी तं वंदिउमागया समणं ॥१६१० सा अज्ज-चंदणाए सिस्सा तव-नियम-नाण-पडिपुण्णा। . . वंदइ य सा सुविहियं स-परिवारं तयं समणं ।।१६११ भणिया य कप्प-गुण-जाणएण तेण समणेण सा गणिणी । समणी पावस्स समणी होउ इमा सिस्सिणी तुम्हं ॥१६१२ तो तीए विणयायारो आयारो मद्दवत्तण-गुणाण । खमणन्तणोवयारो इच्छाकारो कओ तस्स. ॥१६१३ तेण य भणियामि अहं वंदसु अह तें पवत्तिणी अज्जा। पंच महव्वय-धारण-दढ-व्वया सुव्वया गणिणी ॥१६१४