________________
तरंगलोय
तमियं समं परंतो(?) गंगा पुण तस्स तह य भीय व्व। अवसरि व पयत्ता संपत्थिय-थोर वीईहि ॥३२२ पाउण पाउण उदयं मुक्कं थोर लिए वो(?)। वदहं(?) समावइण्णो तत्थ निवुड्डो सुहावेइ ॥३२३ हत्थेण वि छभंतो उदयं चउसु वि दिसासु पढे य। जल-कलुस-सोहण-रओ तं दहमुस्सेत्तुकामो व ॥३२४ सहि नियय-हत्थ-गहियं उदयं धाराहि रेहइ मुयंतो । सिहरग्ग(?) उज्झर-झरओ व्व तहा य गिरि-कूडो ।।३२५ उस्सविय-करस्स मुहं रेहइ से रत्त-तालु-जिब्भोढें । हिंगुलुकागर-कंदरं विलं व जच्चंजण-गिरिस्स ।।३२६ उडूडाविया अणेगा सउणा अम्हे य मज्जमाणेण । बाहंतेण जलन्नं बहुसो घोट्टं करतेणं ॥३२७ उरि पि हिधेमाणो(?) न मुएमो तिवि(?)भयं दुयग्गा वि । ' __x x x x तेण उडूडाविया संता ॥३२८ सो मज्जिय-निव्वाओ उत्तिण्णो अप्पणो कमेण करी । मय-जीविय-निव्याहो वाहो य तहिं समणुपत्तो ॥३२९
नव-जोव्वण-संपुण्णो आरण्णय-पुप्फ-मुंड-कय-मालो ।। कोयंड-कंड-हत्थो स-कालदंडो जमो चेव ॥३३० , पाएहिं सम-खण्णुय-समावडिय-भग्ग-विसम-नक्खेहि । उक्कुडुयट्ठिय-विसमंगुलीहिं अणुवाहण-पएहिं(?) ॥३३१ उच्चत्तरमंसोरू संखित्त(?)-सुवित्थय-उरो सो । कोयंड-विकट्टण-वावडाहिं कठिणाहिं बाहाहिं ।।३३२ .
ओयंब-रूढ-मंसू उग्ग-मुहो छार-पिंगलो रोहो(?) । फुडियग्ग-कविल-कुंचिय-पलंब-दाढो महक्खंधो ॥३३३ वायायवोवहय-दंत(?)नील-फरुस-च्छवी असुह(१)भासी । सावय-कुलंतकालो कालो व्व उवस्थिओ पेक्ख ॥३३४ अंसावसत्त-तुंबो नियंसिओ बग्घ-चम्मयं घोरं । कज्जल-मसि-चित्तलियस्स सरिसयं पीयल-पडस्स ॥३३५
दखूण तं गयवरं सो वाहो हस्थि-दुग्गमे देसे । थोरं कंचि उवगओ नइ-तड-रूढं महा-रुक्खं ॥३३६ तिरच्छियच्छिओ सो अंसय-संनिहिय-निहिय-कोयंडो । पउणं कुणइ हयासो वणहस्थि-विणासणं कंडं ॥३३७
