________________
तरंगलोला
तब किसिय पंडरेणं लावण्णुप्पेहडेण वयणेणं । धवलभ पुड विणिग्गय-पुण्णिम चंदं उवहसंती ।। ३३ सक्कुलि-देसेसु तणू जुत्त पलस्था य कण्ण पालीया । कण्णा गुण-संपुण्णा भूसण-सुण्णा वि संछ(प.)णा ॥ ३४ आभूसणुज्झिएण य संघाांड-विणिग्गएण हत्थेण । फेण विणिग्गय नालं वलियं (?) कमलं विलंयंती ॥ ३५
तासि च विम्हियाणं समणी-स्वाहिगार-सदेणं । अह घर रामुद्दवेला तं वेलं निग्गया घरिणी ।। ३६ गंभीर-सुस्सरीया पुणक्केरायत्थ(?) सव्वंगी । थोव-महग्याभरणा धवल-दुकूलुत्तरासंगा ।। ३७ दळूण तयं तुट्ठा-खुड्डी-साहय सुजाय-सुन्देरं । निय घर अंगण देसे मुहुत्त सोहा-करं अज्जं ॥ ३८ वंदइ य विम्हिय-मणा तं अज्ज सुद्ध चीवराभोगं । मंथिय सिंधुस्त समुठियं व फेणोत्थयं लच्छि । ३९ खुडीए य पणामं घरिणी काऊण विणाय संपुषणं । विम्य वियाणियच्छी मयलंछण-सच्छह-च्छायं ।। ४० पेच्छइ अज्जाए मुहं छणं(?) अच्छीहिं कसिण-मज्झेहिं । आलीण भमर-जुयलं व मज्झ-फुड-वियसियं कमलं ॥ ४१ सुकुमाल-पाणि-पायं राहिय(?) लच्छि सच्छह अज्जं । सहसा दळूण तयं इगमो घारेगी विचितेइ ॥ ४२ न य सुविणए न लेप्पे न चित्तकम्मे कहासु य बहूसु ।। दिट्ठा व सुया व मए अजा इव सुदरा(?) महिला ।। ४३ लायण्णेण घडिया का णु हु सोहग्ग मंजरी इणमो । पत्ता व चंद-जोण्हा रूव-गुण-समण्णिया इहइ ॥ ४४ किं होज्ज पयावइणा इणमो वर-जुवइ-सव्व-सारेण । रूव-गुण समाउत्ता सव्वायर-निम्मिया सुयणु ।। ४५ जइ ताव एरिसं से मुडिय-भावाए होज्ज लायणं । आसी य गिहित्तणए रूब सिरी केत्तियं मण्णे ॥ ४६ भूसण-रहिएसु वि किह व ताव जल्ल-मइलेसु अंगेसु । जत्थ ठिया मे दिट्ठी तत्तो न वरज्जइ(?) चलेउ ॥ ४७ सव्वंगेसु अ-निमिसा पेच्छण-लोला मए सुरूवं ति । लग्गंती लग्गिंती कहिंचि हिंवाविया(?) दिट्ठी ॥ ४८ अज्जाए-कति जुत्ते अणण्ण-सरिसे मण-पासाय-करे । अच्छरसाणं पि भवे मणोरहो एरिसे रूवे ॥ ४९ मोत्तण ण पउम वण-संड(!) गहिय-नेवच्छा। घरमइगया भगवई दाण-गुण-पडोच्चया लच्छी ॥ ५०
