________________ जीववहो अप्पवहो, जीवदया अप्पणो दया होइ। ता सव्वजीवहिंसा, परिचत्ता अत्त कामेहिं।।३२।। तुमं सि नाम स चेव, जं हंतव्वं ति मनसि। तुमं सि नाम स चेव, जं अज्जावेयव्वं ति मनसि।।३३।। रागादीणमणुप्पासो, अहिंसकत्तं त्ति देसियं समए। तेसिं चे उप्पत्ती, हिंसेत्ति जिणेहि णिद्दिट्ठा।।३४।। अज्झवसिएण बंधो, सत्ते मारेज्ज मा थ मारेज्ज। एसो बंधसमासो, जीवाणं णिच्छयणयस्स।।३५।। हिंसा दो अविरमणं, वहपरिणामो य होइ हिंसा हु। तम्हा पमत्तजोगे, पाणव्ववरोवओ णिच्चं / / 36 / / अत्ता चेव अहिंसा, अत्ता हिंसति णिच्छओ समए। जो होदि अप्पमत्तो, अहिंसगो हिंसगो इदरो।।३७।। तुगं न मंदराओ, आगासाओ विसालयं नत्थि। जह तह जयंमि जाणसु, धम्ममहिंसासमं नत्थि।।३८।। Jain Education International For Private & Personal Use Only www.jainelibrar.org
