________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाक्षिकादि-प्रतिक्रमणम् । ~~~~~~~~~~~~~~~~~~~~~~~~~~~~~~~~~~~~~~~~~~~~~~~~mmm सिद्धायदणाणं, णमो भयवदो महदिमहावीरवड्ढमाणबुद्धरिसीणो चेदि।
जस्संतियं धम्मपहं णियच्छे तस्संतियं वेणइयं पउंजे । कारण वाचा मणसावि णिच्चं सक्कारए तं सिरपंचमेण ॥१॥
सुदं मे आउस्संतो! इह खलु समणेण भयवदो महदिमहावीरेण महाकस्सवेण सव्वण्हुणा सव्वलोगदरिसिणा सदेवासुरमाणुसस्स लोयस्स आगदिगदिचत्रणोववादं बंधं मोक्खं इड्ढि ठिदि जुदि अणुभागं तक्कं कलं मणोमाणसियं भूतं कयं पडिसेवियं आदिकम्मं अरुहकम्मं सव्वलोए सव्वजीवे सव्वभावे सव्वं समं जाणता पस्संता विहरमाणेण समणाणं पंचमहव्वदाणि राईभोयणवेरमणछहाणि समावणाणि समाउगपदाणि सउत्तरपदाणि सम्म धम्म उवदेसिदाणि । तं जहा
पढमे महव्वदे पाणादिवादादो वेरमणं, विदिए महव्वदे मुसावादादो वेरमणं, तिदिए महव्वदे अदिण्णदाणादो वेरमणं, चउत्थे महव्वदे मेहुणादो वेरमणं, पंचमे महव्वदे परिग्गहादो वेरमणं, छहे अणुव्वदे राइभोयणादो वेरमणं चेदि ।
तत्थ पढमे महव्वदे सव्वं भंते ! पाणादिवादं पञ्चक्खामि जावजीवं तिविहेण मणसा वंचिया काएण, से एइंदिया वा, वेइंदिया वा, तेइंदिया वा, चरिंदिया वा, पंचिंदिया वा, पुढवि. काइए वा आउकाइए वा तेउकाइए वा वाउकाइए वा वणप्फदिकाइए वा तसकाइए वा अंडाइए का पोदाइए वा जराइए वा रसाइए वा संसेदिमे वा सम्मुच्छिमे वा उब्भेदिमे वा उववादिमे वा तसे वा थावरे वा'बादरेवा सुहुमे वा पाणे वा भूदे वा जीवे वा सत्ते वा पज्जत्ते वा अपजत्ते वा अघि चउरासीदिजोणिपसुहसदसहस्सेसु, णेव सयं पाणादिवादिज्ज णो अण्णेहिं पाणे अदिवादावेज अण्णेहिं पाणे
For Private And Personal Use Only
