Padharo Sahebji

SR No.: 035333
Original Sutra Author: N/A
Author: Dharmratnavijay
Publisher: Manav Kalyan Samstha
Publication Year: 2015
Total Pages: 49
Language: Gujarati
Classification: Book_Gujarati
File Size: 3 MB

Page 8

પધારો સાહેબજી પધારો સાહેબજી અહીં એક વાતનું ધ્યાન રાખવું કે શ્રાવકનું ઘર પણ કુદરતી પ્રકાશ વિનાનું, અંધારીયું હોય તો તેમાં જયણા પળાતી નથી. 8) ક્રીત :- સાધુ ભગવંતો માટે કોઈ પણ વસ્તુ ખરીદીને લાવવી. જે આહાર-ઉપધિ-પાત્ર-વસ્ત્ર-દવા વગેરે ઘરે ઉપલબ્ધ નથી અને ખ્યાલ આવ્યો કે સાધુ ભગવંતોને આ વસ્તુની જરૂર છે, તો બજારમાંથી પૈસાથી ખરીદીને જ્યારે વસ્તુ આદિ લાવી વહોરાવવામાં આવે તો આ દોષ લાગે છે. અમુક લોકોના મનમાં એવો ભ્રમ હોય છે કે સાધુ ભગવંતોને તો નવી વસ્તુઓ જ વહોરાવાય, પણ હકીકતમાં એવું નથી. તમારા ઘરમાં તમારા પોતાના માટે જે લાવેલી વસ્તુઓ હોય એ વહોરાવવામાં દોષ નથી લાગતો. જેમકે તમારા ઘરમાં સંતાનો માટે નોટ-પેન-પેડ-પેન્સીલ-લેટરપેડ-ડાયરી વગેરે ઘણી સ્ટેશનરીની વસ્તુઓ હોય. તેમ જ બામ-શરદીનું તેલ, વેસેલાઈનસાબુ-પાવડર-નાની-મોટી દવાઓ હોઈ શકે છે. પૌષધ-ઉપધાન વગેરેમાં વાપરેલા સંથારા-કામળી-આસન-ધોતી-ખેસ-દસી-મુહપત્તિ જેવાં ચારિત્રનાં ઉપકરણો પણ હોઈ શકે, ઉજમણામાં અથવા ઘરમાં દર્શનાર્થે આવેલાં, રાખેલાં પાત્રો-તરણી-ટોકસા-દાંડો-ઓઘો-ઠવણી-ભગવાન-સાપડી--પોથીકવલી વગેરે ઉપકરણો પણ મળી શકે. માત્ર ઘરમાં જ નહીં, સ્ટેશનરી, કિરાણા, કપડાં વગેરેની કોઈને દુકાન હોય ઓફીસ-એજન્સી-હોલસેલ-રીટેલ વેપાર હોય તો તેમાંથી પણ નિર્દોષ લાભ મેળવી શકે છે. - જે વસ્તુઓ તમારા ઘરે સુલભ છે. તમે તેનો લાભ લઈ શકો છો. તેમ જ જે વસ્તુઓ અન્ય કોઈ પાસે છે. તેને ભક્તિ કરવાની ભાવના હોય તો તેને જણાવી શકો છો. પણ અન્ય કોઈને અનિચ્છાએ પ્રેરણા નહીં કરવી. પોતાની શક્તિ-ભાવના મુજબ પોતે જ લાભ લેવો. 9-10) પ્રામિત્યક-પરાવર્તિત :- ગૃહસ્થને ખબર પડે કે, સાધુ ભગવંતને આ વસ્તુનો ખપ છે. અને તે આહાર-ઉપધિ-વસ્ત્ર-પાત્ર-દવાઉપકરણ વગેરે મારા ઘરે નથી. તો તે આહારાદિ બીજાની પાસેથી ઉધારમાં લઈને આવે. અથવા વસ્તુની અદલા-બદલી કરે. જેમ કે, ખબર પડી કે સાધુભગવંતને સાદા ખાખરા વહોરવા છે. મસાલાવાલા ખાખરા નથી વહોરવા. તો બાજુના કે બીજા ઘરેથી ઉધારમાં સાદા ખાખરા મંગાવે ગોચરી વહોરવાના સમય પર જ સાધુ ગોચરી વહોરવા જાય છે. (દશ.) અથવા બદલામાં મસાલાવાળા ખાખરા આપી દે, તો આ દોષ લાગે છે. ગૃહસ્થ પોતાના માટે ઘરમાં લાવતા જ હોય તે વસ્તુ પૂરી થઇ ગઇ હોય તેથી તે નવું ખરીદવા જાય ત્યારે રોજિંદા વ્યવહારે જે લાવતો હોય તે વસ્તુ વહોરાવી શકે છે. 11) અભ્યાહત :- ગૃહસ્થો વંદન કરવા ઉપાશ્રય આવે ત્યારે જો સાથે ગોચરી-પાણી વગેરે લઈને આવે તો તેમાં આ દોષ લાગે છે સાધુ ભગવંતોએ પોતાના અને લોકના ઉપકાર માટે ગોચરી જવાનું છે. ગૃહસ્થોના ઘરમાં ગોચરી માટે જવાથી દરેક પ્રકારના ગૃહસ્થો જોડે આત્મીયલાગણીનો સંબંધ બંધાય છે. સાધુપણા પર બહુમાનભાવ પેદા થાય છે. તેથી તેમનો લાભ લેવા માટે ઉપાશ્રયમાં લાવીને વહોરાવવાની તેમને ભાવના થાય, પણ આ રીતે આહાર-પાણી વહોરાવાય નહીં. સાધુ ભગવંતને વિનંતિ કરીને ઘરે જ લઈ જવા જોઈએ. કેટલીક જગ્યાએ મોટા-મોટા ટાવરોમાં, ઘર ઉપરના માળમાં લીધું હોય ત્યારે આહાર-પાણી નીચે લાવીને વહોરાવાય નહી. પહેલેથી ધ્યાન રાખીને શ્રાવક ઉપાશ્રયની નજીકમાં અને નીચેના માળે ઘર લઇને રહે તો હોય, જેથી સાધુ ભગવંતો આસાનીથી વહોરવા આવી શકે. ઉપર-ઉપરના માળે ઘર લેવાઈ જાય પરંતુ સાધુ ભગવંતોનો કલ્યાણમિત્રોનો-ધર્મનો યોગ તેમાં દિવસે-દિવસે ઘટતો જાય છે. તે જ રીતે સાધુ ભગવંતને દેખાય નહીં તે રીતે એ જ ઘરમાંથી બીજા ઘરમાં અથવા એક રૂમમાંથી બીજા રૂમમાં વસ્તુઓને લાવવામાં આવે તો પણ સચિત્ત દ્રવ્યનો સંઘટ્ટો (સ્પર્શ), અજયણા વગેરે દોષો લાગવાની શક્યતા છે. તેથી સાધુભગવંતની નજર રહે તે રીતે જ વસ્તુઓ લાવવી. 12) ઉભિન્ન :- આહારાદિ કોઈપણ વહોરાવવાની વસ્તુઓ જો એકદમ પેક કરેલા હોય તો તે પેક કરેલી વસ્તુઓનું પૈકીંગ તોડાવીને કોઈપણ વસ્તુઓ વહોરાવાય નહીં, જેમકે- સીલપેક કરેલા ડબ્બામાં રહેલી ઘી વગેરે વસ્તુઓ. અને રોજ જે ડબ્બાનો વપરાશ ચાલુ હોય તે જો સંભાળીને જયણાપૂર્વક ખોલવામાં આવે તો આ દોષ લાગતો નથી. સાપુ વહોરવા જતી વખતે રસ્તામાં વનસ્પતિ-સચિત્ત-પાણી વગેરેની વિરાધના ન થાય તેનું ધ્યાન રાખે છે. (દા.)