________________
@30%D0%90%D0%D0*0%e0%©©*_*@@@@@**©© દિ%)
એટલે ટૂંકમાં દૂધ જેના માટે આવતું તેને સંપૂર્ણપણે મળી રહેતું હતું.
પણ આજે ગાય વગેરે પશુ હવે પારિવારિક પ્રાણી રહયું નથી. એક પ્રકારનો ઉદ્યોગ છે. માટે જે વાછરડા માટે દૂધ આવે છે તે વાછરડાને આંચલથી લગાવી દૂધ આવવાનું બરાબર શરૂ થતાં તેને તરત જ હટાવી લેવામાં આવે છે, જન્મે ત્યારથી પોતાના બચ્ચાને માતા ભૂખ્યું જોઈ નથી શકતી, ભયંકર દુઃખી થાય છે અને રોજ બરાબર દૂધ શરૂ થતાં જ તે બાળક, જે દૂધનું સાચું અધિકારી છે, તે સીધું જ કતલખાને જાય છે અને એવું દૂધ આપણા કહેવાતા જિનભકત અહિંસાપ્રેમી-જીવદયા પ્રતિપાલક-ષજીવનિકાય રક્ષક- અહિંસાના સૂત્રધારો ગટગટાવે. વાહ.. જીવદયા!! પોતાના વાછરડાને પોતાની પાસે ન જોતાં ગાયમાતાઓ ૬-૬ મહિના સુધી રડતી હોય છે, આંસુ સારતી હોય છે અને ભાંભરતી હોય છે.
ડો. કુરિયનના એક અભિપ્રાય મુજબ, માત્ર મુંબઇના ડેરી ઉદ્યોગમાંથી દર વર્ષે 20000 વાછરડા કતલખાને જાય છે, તો ભારતમાંથી કેટલા? અને આવાં તાજાં વાછરડાંનું માંસ અમુક સ્પેશ્યલ નામથી વેચાય છે, જેના વધુ પૈસા મળે છે. હાય કૂરતા! ઓક્સિટોશીન શું છે?
ઓક્સિટોસીન, આ એક ડ્રગ્સ છે. કાયદાકીય પરમિશન નથી છતાં પણ ૯૯ ટકાથી વધુ દરેક પશુ પર આ ડ્રગનો સર્વત્ર ડેરીઓમાં, ખાનગીમાં, તબેલાઓમાં ઉપયોગ થાય છે. આ ડ્રગ્સ ખાસ કરીને મા બાળકને પ્રેમ કરે, ત્યારે તેના શરીરમાંથી સંતાન પ્રત્યેના પ્રેમના કારણે ઝરે છે અને તેથી તેના શરીરમાંથી દૂધ નીકળે છે.
