________________
दशाश्रुत०
छेदसूत्र अन्तर्गत
प्रत
सूत्रांक/
गाथांक
[१११]
दीप अनुक्रम [११४]
* * * %96-%%
“कल्पसूत्रं (बारसासूत्रं) ( मूलम्)
मूलं- सूत्र. [१११] / गाथा || || मुनि दीपरत्नसागरेण संकलित ...... "कल्प ( बारसा) सूत्रम्" मूलम्
ताहिं
णुगम्ममाणमग्गे संखियचक्कियनंगलिअमुहमंगलियवद्धमाणपूसमाणघंटियग़णेहिं, इट्टाहिं कंताहिं पियाहिं मणुन्नाहिं मणामाहिं उरालाहिं कल्लाणाहिं सिवाहिं धन्नाहिं मंगल्लाहिं मिअमहुरसस्सिरी आहिं वग्गूहिं अभिनंदमाणा अभिधुवमाणा य एवं वयासी ॥ १११ ॥ - " जय २ नंदा !, जय २ भद्दा !, भदं ते खत्तियवरवसहा ! अभग्गेहिं नाणदंसणचरित्तेहिं, अजियाइं जिणाहि इंदियाई, जिअं च पालेहि समणधम्मं, जियविग्घोवि य वसाहि तं देव ! सिद्धिमज्झे, निहणाहि रागद्दोसमल्ले तवेणं धिधणिअबद्धकच्छे, महाहि अट्टकम्मसत्तू झाणेणं उत्तमेणं सुक्केणं, अप्पमत्तो हराहि आराहणपडागं च वीर ! तेलुक्करंगमज्झे, पावय वितिमिरमणुत्तरं केवलवरनाणं, गच्छ य मुक्खं परं पयं जिणवरोवइट्टेणं मग्गेणं अकुडिलेणं हंता परीसहचमूं, जय २ खत्तिअवरवसहा ! बहु दिवसाइं बहूई पक्खाई बहूइं मासाइं बहूई उऊई बहूइं अयणाई बहूई संवच्छराई, अभीए परीसहोवसग्गाणं,
~70~
