________________
दशाश्रुत०
छेदसूत्र अन्तर्गत
प्रत
सूत्रांक/
गाथांक
[२७]
दीप
अनुक्रम
[२७]
“कल्पसूत्रं (बारसासूत्रं) (मूलम्)
मूलं- सूत्र. [२७] / गाथा ||१||
मुनि दीपरत्नसागरेण संकलित....."कल्प ( बारसा) सूत्रम्" मूलम्
अणं देवानंदाए माहणीए जालंधरसंगुत्ताए कुच्छिसि गब्भत्ताए साहरइ, साहरित्ता जामेव | दिसिं पाउब्भूए तामेव दिसिं पडिगए ॥ २७ ॥ उक्किट्ठाए तुरिआए चवलाए चंडाए जव - णाए उडुआए सिग्घाए दिवाए देवगईए, तिरिअमसंखिजाणं दीवसमुद्दाणं मज्झमज्झेणं जोअणसाहस्सिएहिं विग्गहेहिं उप्पयमाणे २ जेणामेव सोहम्मे कप्पे सोहम्मवडिंसए विमाणे सक्कंसि सीहासणंसि सक्के देविंदे देवराया, तेणामेव उवागच्छइ, उवागच्छित्ता सक्कस्स देविंदस्स देवरन्नो एअमाणत्तिअं खिप्पामेव पच्चप्पिणइ ॥ २८ ॥ तेणं कालेणं तेणं समएणं समणे भगवं महावीरे तिन्नाणोवगए आवि हुत्था, तंजहा - साहरिजिस्सामित्ति जाणइ, साहरिजमाणे न जाणइ, साहरिएमित्ति जाणइ ॥ २९ ॥ तेणं कालेणं तेणं समएणं समणे भगवं महावीरे जेसे वासाणं तच्चे मासे पंचमे पक्खे आसोअबहुले, तस्सणं अस्सोअबहुलस्स तेरसीपक्खेणं बासीइराइदिएहिं विइकंतेहिं तेसीइमस्स राइदिअस्स
~30~
