________________
कणयामरविरइयउ
[10. 26. 21
घत्ता-तं तेण वि कीयउ वयतिलउ हियएं वहंत परमरसु । जो अवरु विकीरइ णिउणुजणु सो महिहिं भमाडइ णिययजसु ॥२६॥
27
Karakanda attains the highest heaven. तउ घोरु करेविणु सो गुणालु णाणातरुमूलहिं किउ तियालु । तोडेविणु माया माणु मोहु णीसारिउ दूरहो तेण लोहु । पंचिंदियजं ता संवरेवि
मणवयणसरीरई तणु करेवि । पालेविणु संजमु दुविहु सो वि परमप्पर हियवएं परिकलेवि । झाणाणले जालिवि कम्मरुक्खु सिविणे वि ण दीसइ जित्थु दुक्खु। 5 तिणणिवहसमाणई कंचणाई सम भाविवि वासी चंदणाई । परिहरियई कामुकोयणाई
णासग्गे णिवेसिवि लोयणाई । णिजंजिवि अप्पउ परमणाणि कलरहियएं णिम्मलणहसमाणि । यत्ता-णियरूउ लहेविणु सो णियइ फेडिवि कम्मणिबंधणई। सम्वत्थसिद्धि संपत्तु खणे कणयामरमुणिवरवयफलई ॥ २७ ॥ 10
28
Author's eulogy. चिरु दियवरवंसुप्पण्णएण
चंदारिसिगोत्ते विमलएण। वइरायई हुयई दियंवरेण
सुपसिद्धणामकणयामरेण । वुहमंगलएवहो सीसएण
उप्पाइयजणमणतोसएण। आसाइयणयरि संपत्तएण जिणचरणसरोरुहभत्तएण अच्छंतई तहिं मई चरिउ एहु धर पयडिउ भवियणविणउ णेहु। 5 मई सत्थविहीणई भणिउ किं पि सोहेविणु पयडउ चिबुहु तं पि । परकजकरणउजुयमणाहं
अप्पाणउ पयडिउ सजणाहं । कर जोडिवि मग्गिउ इउ करंतु महो दीणहो ते सयलु वि खमंतु । घत्ता-जो पढइ सुणइ मणि चिंतवइ जणवएं पयडइ ईउ चरित।
सो णरु भुवणहो मंडणउ लहइ सकित्तणु गुणभरिउ ॥ २८॥ 10 28. 9N ends here, the last leaf being missing.
- १०६ -
Shree Sudharmaswami Gyanbhandar-Umara, Surat
www.umaragyanbhandar.com
