________________
7. 8. 11.]
करकंडचरिउ घत्ताः-सा आवइ णरवइ तुझु घरि जइ तुम्हई लेणहं जाहु तहो । तं सुणिवि णराहिउ णीसरिउ गउ सम्मुहुँ सो चंपाहिवहो ॥ ६॥
7 Karakanda marries the Simhala princess. सो दिट्ठउ राएं अइसुतेउ णं विग्गहवंतउ मयरकेउ। अणुराएं ता गुणसायरेण
णिउ णयरे णराहिउ आयरेण । पइसंतउ सो पुरि जणहिं दिट्ट गोपालसहिउ णं देउ विट्ट । जुईजणमणसंताउ दिंतु
करकंडु णराहिउ गेहु पत्तु । रहवेयहें णामें णियसुआहे
दक्खालिउ सो सुललियभुआहे। सो बालएं अवलोइउ जुवाणु णं हियएं पइट्ठर कुसुमबाणु । विहलंघल काइं वि णउ मुणेइ सो पेक्खइ कि पि ण ण वि सुणह । ण वि जणणहो लजा ताहे जाय कंपतिहे पुलएं खलिय वाय। पेक्लेविणु धूयहे सेयवाहु
पारंभिउ राएं खणे विवाहु । घत्ता- केउ मंडड मोत्तियतारणहिं गुरुचउरिय हेमें णिम्मविय । अइउच्चिय मणहर वेइ किय रयणविणिम्मिय णिम्मलिय ॥ ७॥
8
5
10
5
Karakanda returns with the bride by the sea, ववाहु कियउ लहु ताहु के वि खेयर अहिलासहो जाहिं जे वि। दाइजई दिण्णा तहे पयंड
णिज्झरझरंतमयगिलगंड। वरतुरयथट्ट किंकिणिरवाल
रयणेहिं विणिम्मिय दिण्ण माल । जं अवरु किं पि गयणाहिरामु तहे राएं दिण्णउ'लेवि णामु । एएहिं समउ मणि तुट्ठएण जामायहो अप्पिय दुहिय तेण । बहुरयणई दिण्णइं तुरियएण पहिराविय राणा राणएण। णरणाहे विसजिउ णिवपहाणु संजोइउ राएं सलिलजाणु । दुट्ठारिणरिंदहो पलयकालु
तहे जाणे चडिण्णउ धरणिवालु । धयवडवमालु परिघुलिउ भाइ तं पवणवसे जलमझे जाइ । घत्ता- अवराई सहासई छण्णवई णरणियरणिरंतरपूरियई।
णं अमरविमाणइं धर सरहिं जलगमणहो आसाऊरियई ॥ ८॥ N किउ.
8. १ J लइवि. २ S छणवई.
10
7.
--- ६५
-
Shree Sudharmaswami Gyanbhandar-Umara, Surat
www.umaragyanbhandar.com
