Avoid Clashes Kannada

SR No.: 034308
Original Sutra Author: N/A
Author: Dada Bhagwan
Publisher: Dada Bhagwan Aradhana Trust
Total Pages: 38
Language: Kannada
Classification: Book_Other
File Size: 3 MB

Page 9

ಸಂಘರ್ಷಣೆಯನ್ನು ತಪ್ಪಿಸಿ
ಎದುರಾಗ ಬೇಡಿ ಸಂಘರ್ಷಣೆಗೆ.....
'ಯಾರೊಂದಿಗೂ ಸಂಘರ್ಷಣೆಗೆ ಒಳಪಡಬೇಡ ಹಾಗು ಸಂಘರ್ಷಣೆಯನ್ನು ತಪ್ಪಿಸು', ಎಂಬ ನಮ್ಮ ಈ ವಾಕ್ಯವನ್ನು ಯಾರು ಆರಾಧಿಸುವರೋ, ಅವರು ನೇರವಾಗಿ ಮೋಕ್ಷಕ್ಕೆ ಹೋಗುತ್ತಾರೆ. ನಿಮ್ಮ ಭಕ್ತಿ ಮತ್ತು ನಮ್ಮ ವಚನದ ಬಲದಿಂದ ಎಲ್ಲಾ ಕೆಲಸಗಳು ನೆರವೇರುತ್ತವೆ. ಅದಕ್ಕೆ, ನಿಮ್ಮ ಸಿದ್ಧತೆಯು ಇರಬೇಕು. ನಮ್ಮ ಒಂದೇ ಒಂದು ವಾಕ್ಯವನ್ನು ಯಾರೇ ಪಾಲಿಸಿದರೂ, ಅವರು ಮೋಕ್ಷಕ್ಕೆ ಹೋಗುವುದು ಕಂಡಿತ, ಅದೂ ಬಿಡಿ, ಕೇವಲ ನಮ್ಮ ಒಂದು ಶಬ್ದವನ್ನು 'ಹೇಗಿದೆಯೋ ಹಾಗೆ' ಗಂಟಲಿನಲ್ಲಿ ಇಳಿಸಿ ಕೊಂಡುಬಿಟ್ಟರೆ ಅಷ್ಟೇ ಸಾಕು, ಮೋಕ್ಷವು ಕೈಯಲ್ಲಿಯೇ ಬಂದುಬಿಡುತ್ತದೆ. ಹಾಗಿದೆ! ಆದರೆ ಅದನ್ನು 'ಹೇಗಿದೆಯೋ ಹಾಗೆ' ಸ್ವೀಕರಿಸಬೇಕು. ನಮ್ಮ ಒಂದು ಶಬ್ದವನ್ನು ದಿನವಿಡೀ ಪಾಲನೆ ಮಾಡಿದರೂ ಸಾಕು ಅದ್ಭುತವಾದ ಶಕ್ತಿ ಉತ್ಪನ್ನವಾಗುತ್ತದೆ. ನಮ್ಮೊಳಗೆ ಎಷ್ಟೆಲ್ಲಾ ಶಕ್ತಿಗಳಿವೆ ಎಂದರೆ, ಯಾರು ಹೇಗೇ ಸಂಘರ್ಷಣೆಗೆ ಮುಂದಾದರೂ ಅದನ್ನು ತಪ್ಪಿಸುವಂತಹ ಶಕ್ತಿಯಿದೆ. ಗೊತ್ತಿದ್ದೂಗೊತ್ತಿದ್ದೂ ಹಳ್ಳಕ್ಕೆ ಬೀಳಲು ಸಿದ್ಧತೆಯಲ್ಲಿರುವವರ ಜೊತೆಯಲ್ಲಿ ಹೊಡೆದಾಡಿಕೊಂಡು ಕುಳಿತುಕೊಳ್ಳುವುದು ಯಾಕೆ ಬೇಕು? ಅವರಿಗೇನು ಮೋಕ್ಷಕ್ಕೆ ಹೋಗಬೇಕೆಂಬ ಹಂಬಲವಿಲ್ಲ ಜೊತೆಗೆ ನಿಮ್ಮನ್ನು ಕೂಡಾ ಅವರೊಂದಿಗೆ ಕುಳಿತುಕೊಳ್ಳುವಂತೆ ಮಾಡಿಬಿಡುತ್ತಾರೆ. ಅದು ಹೇಗೆ ಸಾಧ್ಯವಾಗುವುದು? ನಿಮಗೆ ಮೋಕ್ಷಕ್ಕೆ ಹೋಗಲೇ ಬೇಕೆಂದಿರುವಾಗ, ಅಂತಹವರೊಂದಿಗೆ ಹೆಚ್ಚಿನ ಬುದ್ದಿವಂತಿಕೆಯನ್ನು ತೋರಿಸಲು ಹೋಗಬಾರದು. ಎಲ್ಲಾ ಕಡೆಯಲ್ಲಿಯೂ, ನಾಲ್ಕು ದಿಕ್ಕುಗಳಲ್ಲಿಯೂ ಎಚ್ಚರಿಕೆ ವಹಿಸಬೇಕು. ಇಲ್ಲವಾದರೆ ನೀವು ಈ ಜಂಜಾಟದಿಂದ ಬಿಡಿಸಿಕೊಳ್ಳಲು ಹೋದರೂ ಜಗತ್ತು ಬಿಡುವುದಿಲ್ಲ. ಆದುದರಿಂದ ಸಂಘರ್ಷಣೆಗೆ ಒಳಗಾಗದಂತೆ ಸರಳತೆಯಿಂದ ಜಾರಿಕೊಂಡು ಬಿಡಬೇಕು. ಅರೇ, ನಾವು ಎಲ್ಲಿಯವರೆಗೆ ಹೇಳುತ್ತೇವೆಂದರೆ, ಅಕಸ್ಮಾತ್ ನಿಮ್ಮ ಪಂಚೆ ಬೇಲಿಯ ತಂತಿಗೆ ಸಿಕ್ಕಿಕೊಂಡಿದ್ದು, ನಿಮ್ಮ ಮೋಕ್ಷದ ಗಾಡಿ ಹೊರಡಲು ಸಿದ್ದವಾಗಿದ್ದರೆ, ಅಲ್ಲಿ ಮೂರ್ಖನ ಹಾಗೆ ಪಂಚೆಯನ್ನು ಬಿಡಿಸಿಕೊಂಡು ಕುಳಿತರೆ ಆಗುತ್ತದೆಯೇ? ಪಂಚೆಯನ್ನು ಬಿಟ್ಟು ಓಡಬೇಕು. ಅರೇ, ಒಂದು ಕ್ಷಣವೂ ಕೂಡಾ ಅದೇ ಅವಸ್ಥೆಗೆ ಅಂಟಿಕೊಂಡಿರುವ ಹಾಗಿಲ್ಲ ಎಂದಮೇಲೆ, ಇನ್ನು ಬೇರೆಲ್ಲಾದರ ಬಗ್ಗೆ ಮಾತನಾಡುವುದಾದರೂ ಏನು? ಯಾವುದಕ್ಕಾದರು ನೀವು ಅಂಟಿಕೊಂಡರೆ, ಆಗ ನೀವು ನಿಮ್ಮ ಸ್ವರೂಪವನ್ನು ಮರೆತಂತೆ!