Avoid Clashes Kannada

SR No.: 034308
Original Sutra Author: N/A
Author: Dada Bhagwan
Publisher: Dada Bhagwan Aradhana Trust
Total Pages: 38
Language: Kannada
Classification: Book_Other
File Size: 3 MB

Page 19

ಸಂಘರ್ಷಣೆಯನ್ನು ತಪ್ಪಿಸಿ
(ಹಸ್ತಕ್ಷೇಪ) ಮಾಡಲು ಹೋಗಬಾರದು ಹಾಗೂ ಸ್ವಲ್ಪ ಸಮಯದ ನಂತರ ಹೇಳಬೇಕು, 'ನಡೆಯಿರಿ ಚಹಾ ಕುಡಿಯೋಣ' ಎಂದು.
11
ಯಾರೋ ಒಬ್ಬ ಹುಡುಗ ಕಲ್ಲಿನಿಂದ ಆಡುತ್ತಿರುವಾಗ, ಅದು ನಿಮ್ಮ ಮೇಲೆ ಬಿದ್ದು ರಕ್ತ ಬಂದರೆ ಏನು ಮಾಡುವಿರಿ? ಅವನ ಮೇಲೆ ಸಿಟ್ಟು ಮಾಡಿಕೊಳ್ಳುವಿರಿ. ಆದರೆ, ಅದೇ ನೀವು ನಡೆದುಕೊಂಡು ಹೋಗುವಾಗ ಬದಿಯಲ್ಲಿಯೇ ಇರುವ ಬಂಡೆಯಿಂದ ಕಲ್ಲು ನಿಮ್ಮ ಮೇಲೆ ಬಿದ್ದು, ರಕ್ತ ಸ್ರಾವವಾದರೆ ಏನು ಮಾಡುವಿರಿ? ಸಿಟ್ಟು ಮಾಡುತ್ತೀರಾ? ಆಗ ಮಾಡುವುದಿಲ್ಲ, ಅದಕ್ಕೆ ಕಾರಣವೇನು? ಯಾಕೆಂದರೆ ಅದು ಬಂಡೆಯಿಂದ ಬಿದ್ದಿರುವುದಾಗಿದೆ! ಬಿದ್ದ ಬಂಡೆಕಲ್ಲನ್ನು ಮೇಲಿನಿಂದ ಎಸೆದವರು ಯಾರು? ಅಲ್ಲದೆ, ಇಲ್ಲಿ ಆ ಹುಡುಗನು ತಾನು ಎಸೆದ ಕಲ್ಲಿನಿಂದ ನಿಮಗೆ ಪೆಟ್ಟಾಗಿರುವುದಕ್ಕೆ ಪಶ್ಚಾತ್ತಾಪ ಪಡುತ್ತಿರುತ್ತಾನೆ.
ಆದುದರಿಂದ, ಈ ಜಗತ್ತನ್ನು ತಿಳಿದುಕೊಳ್ಳಬೇಕು. ನಮ್ಮ ಬಳಿಗೆ ಬಂದರೆ, ಚಿಂತೆಗಳು ಉಂಟಾಗದಂತೆ ಮಾಡಿಬಿಡುತ್ತೇವೆ. ಆಗ ನೀವು ಸಂಸಾರದಲ್ಲಿ ಒಳ್ಳೆಯ ರೀತಿಯಿಂದ ಜೀವನವನ್ನು ನಡೆಸಿಕೊಂಡು, ನಿಮ್ಮ ಹೆಂಡತಿಯೊಂದಿಗೆ ನಿಶ್ಚಿಂತೆಯಿಂದ ಸುತ್ತಾಡಿಕೊಂಡಿರಬಹುದು! ಹಾಗೂ ಮಕ್ಕಳ ಜವಾಬ್ದಾರಿಗಳಾದ ಮದುವೆ-ಮುಂಜಿಗಳನ್ನೆಲ್ಲಾ ನಿಶ್ಚಿಂತೆಯಿಂದ ಮುಗಿಸಬಹುದು! ಆಗ, ಹೆಂಡತಿಯು ಸಂತೋಷಗೊಳ್ಳುವುದರ ಜೊತೆಗೆ ನಿಮ್ಮನ್ನೂ ಹೊಗಳಲು ಪ್ರಾರಂಭಿಸುತ್ತಾಳೆ, 'ಈಗಂತೂ ಬಹಳ ಜವಾಬ್ದಾರಿ ಬಂದುಬಿಟ್ಟಿದೆ ನನ್ನ ಯಜಮಾನರಿಗೆ!' ಎಂದು.
ಎಂದಾದರೂ ಹೆಂಡತಿಯು ಪಕ್ಕದ ಮನೆಯವರೊಂದಿಗೆ ಜಗಳವಾಡಿ ಅವಳ ತಲೆಯು ಬಿಸಿಯಾಗಿರುವಾಗ, ಅದೇ ಸಮಯದಲ್ಲಿ ನಾವು ಹೊರಗಿನಿಂದ ಮನೆಗೆ ಹೋದರೆ, ಅವಳು ಸಿಡುಕಿನಿಂದಲೇ ಮಾತನಾಡಿಸುತ್ತಾಳೆ. ಆಗ ನಾವೇನು ಮಾಡಬೇಕು? ಅವಳಂತೆ ನಾವೂ ಸಿಡುಕಲು ಪ್ರಾರಂಭಿಸಬೇಕೇನು? ಇಂತಹ ಪರಿಸ್ಥಿತಿಗಳು ಉಂಟಾದಾಗ, ಅಲ್ಲಿ ಅಡ್ಡಸ್ಟ್ ಮಾಡಿಕೊಳ್ಳಲು ನಾವು ನೋಡಬೇಕು. ಅವಳು ಇವತ್ತು ಯಾವ ಪರಿಸ್ಥಿತಿಯಿಂದಾಗಿ ಸಿಡುಕುತ್ತಿದ್ದಾಳೆ, ಯಾರ ಜೊತೆಯಲ್ಲಿ ಜಗಳವಾಗಿದೆ ಎನ್ನುವುದೇನಾದರೂ ತಿಳಿದಿದೆಯೇ? ನೀವು ಪುರುಷರು, ಅಲ್ಲಿ ಯಾವುದೇ ರೀತಿಯ ಭೇದಭಾವವನ್ನೂ ಉಂಟುಮಾಡಬಾರದು. ಅವಳು ಭೇದಭಾವವನ್ನು ಉಂಟುಮಾಡಲು ಮುಂದಾದರೆ, ನೀವು ಅದನ್ನು ಸರಿಪಡಿಸಿಬಿಡಬೇಕು. ಭೇದಭಾವವು ಜಗಳಕ್ಕೆ ಆಸ್ಪದವಾಗುತ್ತದೆ!