________________
[ ११२] पडिगाहिन्जा, पढमा पिंडेसणा १॥ अहावरा दुश्चा पिंडेसणा-संसठे हत्थे संसठे मत्ते, तहेव दुच्चा पिंडेसणा २॥ अहावरा तचा पिंडेसणा-इह खलु पाईणं वा ४ संतेगयाइ सड़ा भवंति–गाहावई वा जाव कम्मकरी वा, तेसिं च णं अन्नयरेसु विरूवरूवेसु भायणजाएसु उवनिक्खित्तपुब्वे सिया, तंजहा-थालंसि वा पिढरंसि वा सरगंसि वा परगंसि वा वरगंसि वा, अह पुणेव जाणिजा-असंसठे हत्थे संसठे मत्ते, संस? वा हत्थे असंसढे मत्ते, से य पडिग्गहधारी सिया पाणिपडिग्गहिए वा, से पुत्वामेव०-आउसोत्ति वा! २ एएण तुमं असंसठूण हत्थेण संसठूण मत्तेणं संसठूण वा हत्थेण असंसठूण मत्तेण अस्सि पडिग्गहगंसि वा पाणिसि वा निहट्ट उचित्तु दलयाहि तहप्पगारं भोयणजायं सयं वा णं जाइन्जा २ फासुयं० पडिगाहिजा, तइया पिंडेसणा ३ ॥ अहावरा चउत्था पिंडेसणा-से भिक्खू वा० से जं० पिहुयं वा जाव चाउलपलंबं वा अस्सि खलु पडिग्गहियंसि अप्पे पच्छाकम्मे अप्पे पजवजाए, तहप्पगारं पिहुयं वा जाव चाउलपलंब वा सयं वा णं० जाव पडि०, चउत्था पिंडेसणा ४॥ अहावरा पंचमा पिंडेसणा-से भिक्खू वा २ उग्गहियमेव भोयणजायं जाणिजा, तंजहा-सरावंसि वा डिंडिमंसि वा कोसगंसि वा, अह पुणेवं जाणिजा बहुपरियावन्ने पाणीसु दगलेवे, तहप्पगारं असणं वा ४ सयं० जाव पडिगाहि०, पंचमा पिंडेसणा ५॥ अहावरा छठा पिंडेसणा-से भिक्खू वा २ पग्गहियमेव भोयणजायं जाणिज्जा, जं च सयछाए पग्गहियं, तं पायपरियावन्नं तं पाणिपरियावन्नं फासुयं जं च परट्ठाण पग्गहियं पडि०, छठा पिंडेसणा ६॥ अहावरा
