Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 97

૮૬
69:
ગુજરાતના જૈનતીર્થો
શ્રી કોબા તીર્થ
શ્રી જિનશાસનની પ્રમુખ સંસ્થાઓમાં શ્રી મહાવીર જૈન આરાધના કેન્દ્ર-કોબાએ અલ્પ સમયમાં અગ્રિમ સ્થાન પ્રાપ્ત કર્યું છે. અહીં ધર્મ અને આરાધનાની વિવિધ પ્રકારની પ્રવૃત્તિઓનો મહાસંગમ છે. આ જ્ઞાનતીર્થ પ્રશાંતમૂર્તિ ગચ્છાધિપતિ આ.શ્રી કૈલાસસાગરસૂરી મ.ના શિષ્યરત્ન આ.દેવ શ્રી કલ્યાણસાગરસૂરીજી મ.ના શિષ્યરત્ન, પરમ શ્રદ્ધેય, યુગદ્રષ્ટા, રાષ્ટ્રસંત, આચાર્યપ્રવર શ્રીમદ્ પદ્મસાગરસૂરીશ્વરજી મ.ના કૌશલ્યપૂર્ણ માર્ગદર્શનમાં આપણી વિરલ સાંસ્કૃતિક પરંપરાઓને જીવંત રાખવા તથા ધર્મ, દર્શન, સાહિત્ય, સંસ્કૃતિ, કલા, શિલ્પ અને સ્થાપત્યનું શિક્ષણ, સાધના અને સંસ્કૃતિના મહાસંગમની દિશામાં દઢ નિષ્ઠા સાથે પ્રવૃત્ત છે.
મહાવીરાલય (દેરાસર)માં જૈન ધર્મના ચોવીસમા તીર્થંકર મૂળનાયક ભગવાન શ્રી મહાવીરસ્વામી સહિત અન્ય પૂજનીય પ્રતિમાજીઓ બિરાજમાન છે. ત્રણ શિખરોથી સુશોભિત આ મહાવીરાલયની ખાસ વિશેષતા એ છે કે આચાર્ય શ્રી કૈલાસસાગરસૂરીશ્વરજી મ.ના અંતિમસંસ્કા૨ના સમયે પ્રતિવર્ષ ૨૨મી મે બપોરના ૨.૦૭ કલાકે દેરાસરના શિખરમાં થઈને સૂર્યકિરણો મહાવીરસ્વામીના તિલકને દેદીપ્યમાન કરે એવી અજોડ અને સુંદર ગોઠવણ કરવામાં આવી છે. જેની ગણના અને સંયોજના પૂ.આચાર્ય શ્રી પદ્મસાગરસૂરીશ્વરજી મ.ના શિષ્ય-પ્રશિષ્યો ગણિવર્યશ્રી અરવિંદસાગરજી મ. તથા મુનિશ્રી અજયસાગરજી મ.એ કરી છે.
ઊંચા ફલક (જગતિ) પર આવેલા આ દેરાસરની સીડીની બન્ને બાજુ ધાતુની બનેલી એક-એક વિશાળકાય સિંહની પ્રતિમાઓ સૌને આકર્ષે છે. મૂળગર્ભગૃહના પ્રવેશદ્વાર પર ચાંદીના જાડા પતરાનો ઢોળ ચઢાવેલ છે. જેના પર શ્રી મહાવીરસ્વામીના સમવસરણમાં દર્શન કરવા માટે ભવ્ય શોભાયાત્રાની સાથે આવી રહેલા દશાર્ણભદ્ર રાજા અને ઇન્દ્ર મહારાજની વચ્ચે પ્રતિસ્પર્ધા અને દશાર્ણભદ્ર રાજાની દીક્ષાનું દશ્ય જોવા મળે છે. કાષ્ઠશિલ્પનું આ સમગ્ર પ્રદર્શન વીસમી સદીના પ્રતિનિધિત્વરૂપ અને વિશિષ્ટ નમૂનારૂપ બન્યું છે. આ મહાવીરાલયનું