Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 95

८४
ગુજરાતના જૈનતીર્થો
આદરેજથી ૮ કિ.મી. અને ત્યાંથી વામજ ૫ કિ.મી.ના અંતરે શ્રી વામજ તીર્થ આવેલું છે. એક સંન્યાસી મહાત્માને દેવી સંકેત મળતાં ભૂગર્ભમાંથી પ્રતિમાજી પ્રાપ્ત થયા હતાં. આ જિનાલયમાં ભૂગર્ભમાંથી પ્રાપ્ત થયેલી શ્રી આદીશ્વર ભગવાનની શ્વેત વર્ણની પદ્માસનસ્થ પ્રતિમાજી મૂળનાયક રૂપે બિરાજમાન છે. અત્યંત દર્શનીય પ્રતિમાજી છે.
શ્રી વામજ તીર્થ : શેઠ શ્રી આણંદજી કલ્યાણજીની પેઢી, મુ.પો. વામજ – ૩૮૨૭૨૧.
શ્રી બોરીજ તીથી
અમદાવાદથી ૧૫ કિ.મી.ના અંતરે ગાંધીનગર માર્ગ પર આ તીર્થ આવેલું છે. કોબા, તપોવન અને મેધામ તીર્થો નજીકમાં છે. સાબરમતી નદીના તટે નાનકડું ગામ બોરીજ છે. તેની આજુબાજુની ઊંડી ભેંકાર કોતરોમાં અવારનવાર લાંબા સમય સુધી રહીને યોગનિષ્ઠ આચાર્યદેવ શ્રી બુદ્ધિસાગરસૂરીશ્વરજી મહારાજા નિર્ભયદશામાં સાધના કરતા હતા. આ સિદ્ધ સાધનાભૂમિના સૌથી ઊંચાઈવાળા ક્ષેત્રમાંના એક ખેતરમાંથી વિ.સં. ૧૯૮૧, ઈ.સ. ૧૯૨પના અરસામાં યુગો - યુગોથી ભંડારાયેલ પ્રભુ શ્રી વર્ધમાન સ્વામી, શ્રી નેમિનાથ પ્રભુ અને શ્રી પાર્શ્વનાથ પ્રભુની શુભ ધવલ આરસપહાણની ૧૭”ની ત્રણ પ્રતિમાઓ સાક્ષાત મહાનિધાનની જેમ ભૂમિના અભ્યદયનો સંકેત બનીને પ્રકટ થઈ. આનંદિત થયેલા ખેડૂતે પેથાપુર શ્રીસંઘને ત્રણ પ્રતિમાજીની સાથે જ પવિત્ર બનેલી પોતાની વિશાળ ભૂમિ પણ સમર્પિત કરીને પોતાની ઈકોતેર પેઢીને તારવવાનું પુણ્ય ઉપાર્જન કર્યું.
પોતાની યોગદષ્ટિના બળે બોરીજ, પેથાપુર આદિ ક્ષેત્રના અભ્યદયને સ્પષ્ટ નિહાળનારા અધ્યાત્મ યોગી આચાર્યદેવ શ્રી બુધ્ધિસાગરસૂરીશ્વરજી મ.ના સદુપદેશથી પેથાપુર શ્રીસંઘે નાનકડા જિનાલયનું નિર્માણ કરીને પૂજ્યશ્રીની નિશ્રામાં આ પ્રતિમાઓ પ્રતિષ્ઠિત કર્યા.