Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 93

૮૨
ગુજરાતના જૈનતીર્થો
યોગનિષ્ઠ આધ્યાત્મિક પુરુષ બની માત્ર જૈનો જ નહિ પરંતુ અઢારે આલમને સુવાસિત કરેલ છે. ૨૭મા વર્ષે દીક્ષા લઈ ૩૯મા વર્ષે આચાર્ય પદવી પ્રાપ્ત કરી તૃતીય પદના ભોક્તા બન્યા. ધાર્મિક તથા આધ્યાત્મિક ખૂબ ઊંડો અભ્યાસ કરીને યોગના જાણકાર બન્યા. શાસન પ્રભાવનાનાં શુભકાર્યો એમના પાવનકારી હસ્તે થયાં. અનેક ગામમાંથી કુસંપ દૂર કરાવ્યા અને અનેક આત્માઓને સ્વધર્મના રાગી બનાવ્યા. અને ચતુર્વિધ સંઘ પર અનેક રીતે મહાન ઉપકાર કર્યા. સમ્યગૃષ્ટિ દેવ શ્રી ઘંટાકર્ણ મહાવીરને પ્રત્યક્ષ પામી મહુડીમાં તેમની મૂર્તિની સ્થાપના કરી. તેઓશ્રીની તેજસ્વી સાધના તથા દીર્ઘદૃષ્ટિથી આપેલ ઉપદેશ તથા જ્ઞાન શાસન માટે મહાઉપકારી છે.
આ.ભ. શ્રીમદ્ બુદ્ધિસાગરસૂરિજી મહારાજા નાનપણથી જ શ્રી ઘંટાકર્ણ વીરના ઉપાસક હતા. સંવત ૧૯૭પમાંશ્રી પદ્મપ્રભ સ્વામીની પ્રતિષ્ઠા કરાવવા મહુડી પધાર્યા ત્યારે અઠ્ઠમ તપ કરી ઉગ્ર ઉપાસના કરી શ્રી ઘંટાકર્ણ મહાવીરનાં પ્રત્યક્ષ દર્શન કર્યા.
સંવત ૧૯૭૫ માગસર સુદ ૬ના શ્રી પદ્મપ્રભ સ્વામીના ગાદીનશીન દિને જ દેરાસરની બાજુમાં નાનકડી દેરી બનાવી, તેમાં શ્રી ઘંટાકર્ણ વીરની સ્થાપના કરવામાં આવી.
જૈન શાસનમાં બાવન વીરો છે તેમાં ત્રીસમાં વીર શ્રી ઘંટાકર્ણ વીર છે. સંવત ૧૯૮૦ માગસર સુદ-૩ના દિવસે હાલના રંગમંડપમાં સર્વકાર્ય સિધ્ધિકારક દેવશ્રી ઘંટાકર્ણ મહાવીરની પ્રતિષ્ઠા આચાર્ય . ભગવંત શ્રીમદ્ બુદ્ધિસાગરસૂરિજી મહારાજાએ કરાવી. પીઠિકા ભાગમાં મંત્ર અંકિત કરવામાં આવ્યો જે ઘંટાકર્ણ મહાવીરનો મૂળમંત્ર છે. તે સાથે મંત્ર અંકિત કરેલો ઘટ સ્થાપવામાં આવ્યો. ધ્વજદંડ પણ ફરકાવવામાં આવ્યો.
સંવત ૨૦૨૪ના ગચ્છાધિપતિ આચાર્ય શ્રી કૈલાસસાગરસૂરીશ્વરજી મહારાજના ઉપદેશથી નવીન સત્તાવીશ જિનાલયની પ્રતિષ્ઠા થઈ. જૈન શાસનમાં મહુડી એક એવું ધર્મસ્થાન છે કે જ્યાં સુખડીનો નૈવેદ્ય ધરાવીને મંદિરના પટાંગણમાં જ પ્રસાદ વહેંચી દેવો પડે છે.
શ્રી મહુડી તીર્થ : શ્રી મહુડી જૈન શ્વે. મૂ.ટ્રસ્ટ, મુ.પો. મહુડી