Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૮૦
ગુજરાતના જૈનતીર્થો
કવિ લાવણ્યસમયે એક સ્તવનમાં જણાવેલ છે કે પરમાત્માનું પ્રક્ષાલજળ શેરીમાં સર્વત્ર પ્રસરી ગયું, તેથી શેરી સાંકડી બની. તે પ્રસંગથી “શેરીસા” અને “કડી બે નામનો ઉદ્ભવ થયો હોય. આજે પણ શેરીસા અને કડી બન્ને ગામો વિદ્યમાન છે.
તેરમા સૈકામાં મંત્રી તેજપાળે આ તીર્થમાં પોતાના વડીલ બંધુ માલવદેવ અને તેના પુત્ર પુનસિંહના આત્મકલ્યાણ અર્થે બે દેવકુલિકાઓ કરાવી હતી. એક દેરીમાં શ્રી નેમનાથ પ્રભુ અને બીજી દેરીમાં શ્રી અંબિકા દેવીની મૂર્તિ પ્રતિષ્ઠિત કરવામાં આવી. જેની પ્રતિષ્ઠા નાગેન્દ્રગચ્છના શ્રી વિજયસેનસૂરિજીના વરદ હસ્તે સંપન્ન થઈ હતી.
સંવત ૧૪૨૦માં શેરીસા તીર્થમાં શ્રી પદ્માવતી દેવીની મૂર્તિ પ્રતિષ્ઠિત કરવામાં આવી હતી. આજે આ પ્રતિમાજી નરોડામાં છે.
સંવત ૧૫૬૨માં કવિ લાવણ્યસમયે આ તીર્થનું પ્રત્યક્ષ વર્ણન એક સ્તવનમાં કરતા જણાવેલ છે કે સોળમા સૈકા સુધી આ તીર્થ સુરક્ષિત હતું. ત્યાર બાદ આ તીર્થ પર આતના ઓળા ઊતરી પડ્યા. સં. ૧૭૨ ૧માં મુસ્લિમોના આક્રમણથી આ ભવ્ય જિનાલયનો વિધ્વંસ થયો. એ વખતે શ્રીસંઘે અગમચેતી વાપરીને જિનબિંબોની રક્ષા કરી. - આ તીર્થ થોડાં વર્ષો સુધી વિસ્મૃતિની ગર્તામાં વિલીન થઈ ગયું. આ તીર્થ કેટલાક શ્રાવકોના ધ્યાનમાં આવ્યું. વિ.સં. ૧૯૬૯ની સાલમાં કલોલ આવેલા શાસનસમ્રાટ આ. શ્રીમદ્ વિજયનેમિસૂરીશ્વરજી મહારાજે આ તીર્થનો ઉદ્ધાર કરવા શ્રીસંઘને પ્રેરણા આપી.
આ.ભ.ની. પ્રેરણાથી તીર્થના જીર્ણોદ્ધારની કાર્યવાહી શરૂ થઈ અને સં. ૨૦૦૨ના વૈશાખ સુદ ૧૦ના આ.ભ.શ્રી વિજયનેમિસૂરિજી મ.ના વરદ હસ્તે આ ભવ્યાતિભવ્ય જિનપ્રાસાદની પ્રતિષ્ઠા થઈ. હાલ આ તીર્થનો વહીવટ શેઠ શ્રી આણંદજી કલ્યાણજીની પેઢી કરી રહી છે.
શ્રી શેરીસા તીર્થ : શ્રી શેરીસા પાર્શ્વનાથ જૈન શ્વે. તીર્થ, શેઠ આણંદજી કલ્યાણજીની પેઢી, મુ.પો. શેરીસા – ૩૮૨૭૨૧. તા.
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |