Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
સિમંધરસ્વામીની વિશાળકાય પ્રતિભાવાળું ભવ્ય જિનાલય હાઈવે ઉપર આવેલું છે. શ્રી સિમંધરસ્વામી જૈન દેરાસરનું નિર્માણ પૂ.સ્વ.આ.ભ. શ્રી કૈલાસસાગરસૂરીશ્વરજી મહારાજાની પ્રેરણાથી વિ.સ. ૨૦૨૮માં થયેલ છે. જૈન શાસ્ત્રાનુસાર શ્રી સીમંધરસ્વામી કેવળજ્ઞાન પછી આજે પણ પૂર્વ મહાવિદેહ ક્ષેત્રમાં વિચરણ કરે છે. પ્રભુની વિશાળ પ્રતિમાજી તથા ગગનચુંબી વિશાળ મંદિર ભવ્ય છે. અહીં રહેવાની તથા ભોજનશાળાની શ્રેષ્ઠ સગવડ છે.
મહેસાણામાં કુલ ૧પથી વધારે જિનાલયો આવેલાં છે. મહેસાણામાં ઉપાશ્રયો, પાઠશાળા, જ્ઞાનભંડાર આદિ છે. અહીંની શ્રી યશોવિજયજી સંસ્કૃત પાઠશાળાએ જૈન શિક્ષણના પ્રચારમાં અપૂર્વ યોગદાન આપેલું છે. મહેસાણામાં શ્રી મનોરંજન પાર્શ્વનાથની પ્રતિમાજી શ્રી સુમતિનાથ જિનાલયમાં બિરાજે છે. આ પ્રતિમાજી મહારાજા સંપત્તિના સમયની છે.
વિક્રમના ૧૨-૧૩મા સૈકામાં મહેસાજી ચાવડાએ મહેસાણા નગર વસાવ્યું હતું. મહેસાણામાં શ્રી મનોરંજન પાર્શ્વનાથ જિનાલયમાં એક પ્રાચીન મૂર્તિ પર સંવત ૧૨૫૭નો ઉલ્લેખ છે. આ લેખ જિનાલય બંધાવનાર શ્રેષ્ઠીનો હોવાનું માનવામાં આવે છે. તે ઉપરથી જણાવી શકાય કે મહેસાણા શહેર તેરમા સૈકાથી પણ વધારે પ્રાચીન હોવું જોઈએ. આ પૂર્વે મહેસાણામાં શ્રી કલ્યાણ પાર્શ્વનાથનું જિનાલય હતું. ચૌદમા-પંદરમા સૈકામાં આ જિનાલય મુસ્લિમ આક્રમણોનો ભોગ બનેલું. તે આક્રમણથી મૂર્તિઓનું રક્ષણ કરવામાં આવેલું. હાલમાં તે પરમાત્માની પ્રતિમાજી વીસનગરમાં છે. ચૌદમા સૈકા સુધી મહેસાણામાં મહેસાજીના વંશજોનું રાજ્ય હતું. સમય જતાં તેમાં ફાટફૂટ પડી અને ચાવડાનું રાજ્ય નાનું થયું. અત્યારે જે જિનાલયો છે તે ગાયકવાડ રાજ્યની સ્થાપના થયા પછીનાં છે.
શ્રી મનોરંજન પાર્શ્વનાથના નામ પાછળ એક ઇતિહાસછુપાયો છે. ચાવડા મહેસાજીના ચરણે સુખ અને સમૃદ્ધિ આળોટતી હતી. તમામ પ્રકારનાં સુખો હોવાછતાં એક શેર માટીની ખોટ હતી. ગાદીનો
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |