Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૬૦
ગુજરાતના જૈનતીર્થો
ભગવાનનું જિનાલય છે. પાણીના ટાંકામાંથી આ પ્રતિમાજી નીકળી હતી. પ્રતિમાજી ચમત્કારિક અને દર્શનીય છે. ચાણસ્મારેલવે સ્ટેશનની નજીક જૈનોની વિદ્યાવાડી છે. ત્યાં શ્રી ઋષભદેવ ભગવાનનું મનોરમ્ય જિનાલય આવેલ છે.
આ તીર્થની પ્રતિમાજીના પ્રાગટ્ય વિશેની કથા અત્યંત રસપ્રદ છે. વર્તમાન ચોવીશીના એકવીશમાં તીર્થકર શ્રી નમિનાથ પ્રભુના સમયમાં અંગદેશની ચંપાનગરીમાં મહારાજા પ્રજાપાલ રાજ્યનો કારભાર સંભાળતા હતા. તેના મહામંત્રીનું નામ બુદ્ધિસાગર હતું. એક વાર રાજા અને મંત્રી બે જાતિવંત અશ્વોની પરીક્ષામાં કરવા નગરી બહાર નીકળ્યા. બન્ને દૂર દૂર ગાઢ જંગલમાં આવી પહોંચ્યા. અશ્વો કેમેય કરીને કાબૂમાં આવતા ન હોવાથી રાજ અને મંત્રીએ પોતાના જીવ બચાવવા ગાઢ, ઘટાદાર વૃક્ષોની ડાળી પકડીને પોતાના પ્રાણ બચાવ્યા. આ તરફ લગામ ઢીલી થતાં અશ્વો પણ ત્યાં જ ઊભા રહી ગયા.
રાત્રિકાળ થઈ ગયો હતો. આથી મહારાજા પ્રજાપાલ અને મંત્રી બુદ્ધિસાગરે વટવૃક્ષની નીચે જ રાત્રિ પસાર કરવાનો નિર્ણય કર્યો. મહારાજા આડે પડખે થયા અને મંત્રી જાગૃત અવસ્થામાં રહીને ચોકીપહેરો કરવા લાગ્યા. મધ્યરાત્રિ થતાં દૂરથી સંગીતના સૂરોનો દિવ્ય ધ્વનિ મંત્રીના કાને અથડાવા લાગ્યો. મહારાજ પણ દિવ્ય સંગીતના સૂરોથી ઊઠી ગયા. રાજા અને મંત્રીને ભારે નવાઈ ઊપજી. અત્યારે આવા ભેંકાર ભાસતા ગાઢ વન્યપ્રદેશમાં સંગીતના સૂરો કોણ છેડી રહ્યું છે? બન્ને કુતૂહલવશ થઈને જ્યાંથી સંગીતના સૂરો સંભળાઈ રહ્યા હતા તે દિશા તરફ આગળ વધ્યા. એક યોજન ચાલ્યા બાદ દિવ્ય સંગીત ક્યાંથી આવતું હતું ત્યાં પહોંચ્યા. આ શું? દેવો શ્રી નરઘોષ નામના મુનિવરનો કેવળજ્ઞાન મહોત્સવ ઊજવી રહ્યા હતા. દેવો વિવિધ દૈવી વાદ્યો દ્વારા સંગીતના સુમધુર સૂરો છેડી રહ્યા હતા. વાતાવરણમાં પવિત્રતા અને દિવ્યતા છવાઈ ગઈ હતી.
રાજા અને મંત્રીના જીવનમાં આવો આહલાદક અને અલૌકિક
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |