________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
આલેખન કલાત્મક કોતરણીથી દર્શાવાયેલ છે. અહીં નવી ધર્મશાળા સરસ છે.
શ્રી કુંભારિયાજી તીર્થ : શ્રી આણંદજી કલ્યાણજીની પેઢી, કુંભારિયાજી શાખા પેઢી, મુ.પો. અંબાજી. ફોન નં. (૦૨૭૪૯) ૨૬૨૧૭૮ છે.
:
૫૩
શ્રી ભીલડિયાજી તીર્થ
ડીસાથી ૨૪ કિ.મી.ના અંતરે, રાધનપુરથી ૬૦ કિ.મી. તથા થરાદથી ૪૮ કિ.મી.ના અંતરે તેમજ પાલનપુરથી ૪૯ કિ.મી.ના અંતરે શ્રી ભીડિયાજી તીર્થ આવેલું છે. અહીં ધર્મશાળાભોજનશાળાની ઉત્તમ સગવડ છે. અહીં શ્રી ભીલડિયાજી પાર્શ્વનાથનું મુખ્ય જિનાલય છે.
આજે શ્રી ભીલડિયા તીર્થ દિન-પ્રતિદિન શ્રદ્ધાનું મહાકેન્દ્ર બન્યું છે. આ નગરની પ્રાચીનતા અંગે અનેક લોકવાયકાઓ છે. છતાં તેરમા અને ચૌદમા સૈકાના શિલાલેખો આ તીર્થ હોવાની માહિતી પૂરી પાડે છે. અને એ સમયમાં આ નગર અપૂર્વ સમૃદ્ધ હોવું જોઈએ એવું
માનવામાં આવે છે.
એક લોકવાયકા અનુસાર અહીં લંબાવતી નામની બાર કોસના ઘેરાવાવાળી સમૃદ્ધ નગરી હતી. આ નગરીમાં સવાસો શિખરબંધી જિનાલયો, કૂવાઓ અને વાવો પણ પાર વગરનાં હતાં. આ અંગેના અવશેષો પણ જોવા મળે છે. તેમ જ આજે પણ અતીતનું સ્મરણ કરાવતા બે કૂવાઓ છે.
આ જિનાલયની પાછળ રાજગઢી હતી. આ જગ્યાએ ખોદકામ કરતાં પુષ્કળ પથ્થરો અને ઇંટો નીકળે છે. આજે આ સ્થાન ‘ગઢેડું' તરીકે જાણીતું છે. જિનાલયની આસપાસ ખોદકામ કરતાં ઇંટો-પથ્થરો નીકળતાં રહેછે. વિક્રમના તેરમા સૈકામાં ભીડિયા નગર લવણપ્રસાદ વાધેલાના તાબા હેઠળ હતું.
For Private and Personal Use Only
