Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 55

४४
ગુજરાતના જૈનતીર્થો
માંડલ તીર્થ ૨૧ કિ.મી., વીરમગામ ૩૧ કિ.મી.ના અંતરે આવેલ છે.
આ તીર્થની પ્રાચીનતા જાણવી મુશ્કેલ છે, પરંતુ વિ.સં. ૧૫૦૦ પૂર્વેના ગ્રંથોમાં આ તીર્થનો ઉલ્લેખ થયો હોવાના કારણે ૬૦૦ વર્ષની આસપાસ તો આ તીર્થ પ્રાચીન જરૂર છે.
એક ભાગ્યશાળી ખેડૂતને જમીનમાંથી શ્રી આદીશ્વર ભગવાનની પ્રતિમાજી પ્રાપ્ત થયા હતા. જે પદ્માસનસ્થ અને ચંદનવર્ણના હતા. આ પ્રતિમાજી ખૂબ જ ચમત્કારિક છે. આજે પણ અનેક ચમત્કારો થતા રહે છે. અહીં જમીનમાંથી પ્રાપ્ત થયેલી બીજી પણ પ્રતિમાજીઓ છે. પ્રતિમાજીઓ સુંદર અને મનોરમ્ય છે. અહીં લગભગ ૧૦૦ વર્ષથી અખંડ જ્યોત ઝગમગી રહી છે, જેમાંથી કેસરિયા કાજલનાં દર્શન થાય છે. વિરમગામ-ખારાઘોડા રેલવે માર્ગ ઉપર ઉપરિયાળાજી સ્ટેશન છે. વીરમગામ દસાડા માર્ગ પર ફૂલકી, નવરંગપુરા થઈને અહીં અવાય છે. પાટડી ગામથી ૧૦ કિ.મી. છે. અહીં શ્રી પાર્શ્વનાથ પ્રભુનું જિનાલય આવેલું છે. ભોજનશાળા-ધર્મશાળાની સગવડ છે.
- શ્રી ઉપરિયાળા તીર્થ : શેઠશ્રી આણંદજી કલ્યાણજીની પેઢી, મુ.પો. ઉપરિયાળાજી – ૩૮૨૭૬૫ તા. પાટડી (જિ.સુરેન્દ્રનગર) ફોન નં. (૦૨૭૫૭) ૨૨૬૮૨૬ છે. ૪૦ :
શ્રી ઈડર તીર્થ
સાબરકાંઠા જિલ્લામાં ઈડર ખાતે શ્રી શાંતિનાથ ભગવાનનું પ્રાચીન જૈનતીર્થ આવેલું છે. શ્રમણ ભગવાન મહાવીરસ્વામીનાં ૨૮૫ વર્ષ બાદ શ્રી સંપ્રતિ મહારાજાએ આ તીર્થમાં શ્રી શાંતિનાથ ભગવાનની પ્રતિષ્ઠા કરાવી હોય તેવો ઉલ્લેખ ઇતિહાસમાં દર્શાવાયો છે.
રાજરાજેશ્વર મહારાજા કુમારપાળે આ તીર્થના જીર્ણોદ્ધાર વખતે શ્રી આદીશ્વર ભગવાનની પ્રતિમાની પ્રતિષ્ઠા કરાવી હતી. સત્તરમી સદીમાં શ્રીસંઘે જીર્ણોદ્ધાર કરાવીને શ્રી શાંતિનાથ ભગવાનની પ્રતિમાની પ્રતિષ્ઠા કરી હતી.