Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 35

૨૪.
ગુજરાતના જૈનતીર્થો
પાર્શ્વપ્રભુની પ્રતિમાજીની માહિતી મેળવી.
રત્નસારને વધુમાં જાણવા મળ્યું કે આ પ્રતિમાજી અતિ પ્રાચીન અને સર્વનું કલ્યાણ કરનારી છે. નાગરાજ ધરણેન્દ્રએ આ પ્રતિમાજીની સાત લાખ વર્ષ સુધી પૂજા કરી છે. કુબેર દેવતાએ ૬૦૦ વર્ષ અને વરુણ દેવે સાત લાખ વર્ષ સુધી આ પ્રતિમાજીની સેવા-પૂજા અને ભક્તિ કરી છે. આ મનોહારી, દિવ્ય અને પ્રભાવક પ્રતિમાજી મેળવીને દીવ બંદરે રહેલા મહારાજા અજયપાળને સોંપવી.
શ્રી પાર્શ્વનાથ પ્રભુની દિવ્ય પ્રતિમાની વાત સાંભળીને તેને મેળવવા સાર્થવાહ રત્નસાર ઉત્સુક બન્યો. તેણે દૈવી સહાયથી આ પ્રતિમાજી સાગરમાંથી પ્રાપ્ત કરી લીધી અને પ્રતિમાજીના પ્રાગટ્યની સાથે જ તોફાને ચડેલો સમુદ્ર ધીર-ગંભીર અને શાંત બની ગયો. રત્નસારે તરત જ પોતાનાં વહાણોને દીવ મંદિરે લાંગર્યા અને શ્રી પાર્શ્વનાથ પ્રભુની આ પ્રતિમાજી મહારાજા અજયપાલના હસ્તમાં સોંપી. રત્નસારે અથથી ઇતિ સુધીની વાત પણ કરી.
મહારાજા અજયપાળ શ્રી પાર્શ્વનાથ પ્રભુની પ્રતિમાના દર્શનમાત્રથી ધન્ય બની ઊઠ્યા. તેમણે ધન્ય સ્નાત્ર મહોત્સવ ઊજવ્યો. અને તેમણે પરમાત્માનું સ્નાત્રજળ પોતાના અંગ પર લગાડતાં તમામ વ્યાધિ નષ્ટ થઈ.
આ પ્રતિમાજીના દિવ્ય પ્રભાવથી મહારાજા અજયપાળે અજયનગર નામનું શહેર વસાવ્યું. આ નગરની મધ્યમાં ભવ્ય જિનાલય બંધાવીને આ દિવ્ય પ્રતિમાજીની પ્રતિષ્ઠા કરી. રાજા અજયપાળ નિયમિત ત્રિકાળ સેવા-પૂજા કરવા લાગ્યો. તેથી તેની સમૃદ્ધિ અને યશ-કીર્તિમાં વધારો થયો. લગભગ છ માસ પર્યત ત્યાં રહ્યો, તે દરમિયાન તેણે શ્રી સિદ્ધગિરિની યાત્રા અનેરા ભાવ સાથે કરી.
મહારાજ અજયપાળે શ્રી પાર્શ્વનાથ જિનાલયને દસ ગામ સહિત અજયનગર સમર્પિત કર્યા. ત્યાર પછી રાજા પોતાના સ્થાને ચાલ્યો ગયો. આમ મહારાજા અજયપાળના રોગને હરનાર આ પરમ તેજવી પરમાત્મા શ્રી અજાહરા પાર્શ્વનાથથી જગપ્રસિદ્ધ થયા.