Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 28

ગુજરાતના જૈનતીર્થો
પ્રત્યક્ષ કર્યા. દેવે સમુદ્રની અંદર રહેલી ત્રણ પ્રતિમાજીઓના પ્રગટીકરણની વાત કરી. ધનશ્રેષ્ઠી તો દેવનું કથન સાંભળીને અતિ હર્ષિત બન્યો. તેણે દેવની સહાયથી ત્રણ જિનબિંબો સમુદ્રમાંથી બહાર આણ્યાં.
www.dicom
૧૭
આ ત્રણ પ્રતિમાજીઓમાંથી એક પ્રતિમાજી ચારૂપ ગામમાં પધરાવીને તીર્થની પ્રતિષ્ઠા કરવામાં આવી. બીજા અરિષ્ટનેમિ પ્રભુને પાટણમાં આંબલીના વૃક્ષ નીચે આવેલા જિનાલયમાં પધરાવ્યા અને ત્રીજી શ્રી પાર્શ્વપ્રભુની પ્રતિમાજીને થાંભણા ગામમાં સેઢી નદીના કિનારે ઘટાદાર વૃક્ષોની ભૂમિ પર રાખી.
ચારૂપમાં મનોહર જિનબિંબને કોણે પ્રતિષ્ઠિત કર્યા તેની જાણકારી નથી. આ જિનાલયમાં ખંડિત પરિકરના લેખ પરથી જણાય છે કે નાગેન્દ્રગચ્છીય શ્રી શીલગુણસૂરિના સંતાનીય શ્રી દેવચંદ્રસૂરિએ ચારૂપ તીર્થમાં શ્રી પાર્શ્વનાથ પરિકરની પ્રતિષ્ઠા ૧૪મી સદીમાં કરી હતી. ચારૂપમાં નાગોરના શ્રેષ્ઠી દેવચંદ્રે ગૂઢમંડપ અને છ ચોકીથી યુક્ત એક જિનપ્રાસાદ બંધાવ્યો હતો. તેમાં શ્રી આદિનાથ પ્રભુની પ્રતિમાજીની પ્રતિષ્ઠા કરાવી હતી. તેવી નોંધ આબુના લૂણવસહી મંદિરના સં. ૧૨૯૬ના શિલાલેખમાં છે.
સંવત ૧૪૬૬માં શ્રેષ્ઠી પેથડે ચારૂપમાં શ્રી શાંતિનાથ ભગવાનનું જિનમંદિર બંધાવ્યું હતું. પરંતુ વર્તમાનમાં આ બેમાંથી એક પણ જિનાલય નથી. ગુર્જરનરેશ સિદ્ધરાજ જયસિંહે ચારૂપમાં વીરાચાર્ય નામના એક સત્વશીલ અને પ્રભાવક જૈનાચાર્યનો ભવ્ય સ્વાગતમહોત્સવ રચ્યો હતો. આથી કહી શકાય કે ૧૨મા સૈકા પહેલાં ચારૂપમાં જૈનોનું વર્ચસ્વ હતું. એટલું ચોક્કસ છે કે ચારૂપનું શ્રી પાર્શ્વનાથ તીર્થ સોલંકીકાળથી આજ દિવસ સુધી પ્રસિદ્ધ રહ્યું છે. સંવત ૧૯૩૮માં
આ જિનાલયનો પાટણના જૈન સંઘો દ્વારા જીર્ણોદ્ધાર કરવામાં આવ્યો હતો. સંવત ૧૯૮૪ના જેઠ સુદ-૫ના મૂળનાયકની બાજુમાં શ્રી શીતલનાથ પ્રભુની પ્રતિષ્ઠા કરવામાં આવી હતી.
શ્રી ચારૂપ તીર્થ : શ્રી ચારૂપ જૈન શ્વેતાંબર શ્રી શામળા પાર્શ્વનાથ પેઢી, મુ.પો. ચારૂપ ૩૮૪૨૮૫. ફોન નં. (૦૨૮૬૬) ૨૭૭૫૬૨ છે. નજીકના તીર્થો પાટણ ૧૦ કિ.મી., ભીલડિયાજી ૪૦ કિ.મી.,