Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૨
ગુજરાતના જૈનતીર્થો
વિશાળ સેના સાથે સમુદ્ર કિનારે પડાવ નાખીને રહ્યાં હતા. રામચંદ્રજીને વિરાટ સમુદ્ર કઈ રીતે ઓળંગવો તેની ચિંતા કોરી ખાતી હતી ત્યારે રામ-લક્ષ્મણે નજીકના વિસ્તારમાં એક ભવ્ય જિનાલય જોયું અને જિનાલયમાં શ્રી પાર્શ્વનાથ પ્રભુની અલૌકિક પ્રતિમા જોઈને રામલક્ષ્મણ આનંદવિભોર બની ઊઠ્યા. બન્નેએ સેવા-પૂજા અને પ્રભુની એકચિત્તે ભક્તિ કરી, ત્યાં નાગરાજ પ્રત્યક્ષ થયા અને તેમણે પ્રભાવકારી પ્રતિમાજીનો ભવ્ય ઇતિહાસ બને કહી સંભળાવ્યો. રામ અને લક્ષ્મણ બન્ને પુનઃ શ્રી પાર્શ્વનાથ પ્રભુને પૈયાના અનેરા ભાવથી વંદન કરીને જિનાલયની બહાર નીકળ્યા ત્યાં તેઓને સમુદ્ર ખંભિત થઈ ગયાના સમાચાર મળ્યા. પરમાત્માના પ્રત્યક્ષ પ્રભાવથી રામલક્ષ્મણને અતિ હર્ષ થયો. એ વખતે રામચંદ્રજીએ આ પરમાત્માને
શ્રી સ્તંભન પાર્શ્વનાથ'થી બિરદાવ્યા. સૌએ શ્રી જિનેન્દ્ર ભક્તિ મહોત્સવ ઉજવ્યો. - સમયનો પ્રવાહ વહેતો રહ્યો. નવમા વાસુદેવ શ્રીકૃષ્ણ મહારાજા સમુદ્ર કિનારે છાવણી નાખીને કેટલાક દિવસો માટે રહ્યા હતા, ત્યારે ત્યાં તેમણે એક જિનાલયમાં નીલમરત્નની સુમનોહર જિન પ્રતિમાજી જોઈ. એ વખતે નાગકુમારો પ્રભુ સમક્ષ ભક્તિનૃત્ય કરતા હતા. નાગકુમારોએ શ્રીકૃષ્ણને જોયા અને તેમણે શ્રીકૃષ્ણને પ્રતિમાજીનો ગૌરવવંતો ઇતિહાસ કહી સંભળાવ્યો.
શ્રીકૃષ્ણ મહારાજાની આગ્રહભરી વિનંતીથી નાગકુમારોએ આ દિવ્ય પ્રતિમાજી દ્વારિકા લઈ જવા માટે હા ભણી. દ્વારિકામાં આ પ્રતિમાજીને સુવર્ણ અને રત્નોથી જડિત જિનાલયમાં પ્રતિષ્ઠિત કરવામાં આવી. વર્ષો વીતતાં ગયાં. એક દિવસ દ્વારિકા નગરી કુદરતના કોપનો ભોગ બની ત્યારે અધિષ્ઠાયક દેવની સૂચનાથી એક શ્રાવકે આ પ્રતિમાજીને સમુદ્રમાં પધરાવી. દ્વારિકા નગરી કુદરતી પ્રકોપમાં નાશ પામી, પરંતુ પ્રતિમાજી સાગરમાં સુરક્ષિત રહી. સાગરની અંદર તક્ષક નામના નાગેન્દ્ર દેવે આ પ્રતિમાજીની એસી હજાર વર્ષ સુધી પૂજાસ્તુતિ અને ભક્તિ કરી. એ પછી વરુણદેવે આ પ્રતિમાજીની ભક્તિ
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |