Page Text
________________
Shri Mahavir Jain Aradhana Kendra
3:
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
શ્રી ગિરનાર તીર્થ
સૌરાષ્ટ્રમાં જૂનાગઢ શહેરની પાસે આવેલા લગભગ ૩૫૦૦ ફૂટ ઊંચા પર્વત ગિરનાર પર શ્રી નેમિનાથ ભગવાનનું (મૂળનાયક) શ્વેતાંબર અને દિગંબર જિનાલય આવેલું છે. આ ભવ્ય તીર્થ પ્રાચીન અને અતિ મહત્ત્વનું છે. કારણ કે આગામી ચોવીશીના વીસ તીર્થંકર ભગવંતો ગિરનાર તીર્થ પરથી મોક્ષપદના સ્વામી થનારા છે. વર્તમાન ચોવીશીના બાવીસમા તીર્થંકર ભગવંત શ્રી નેમિનાથ પ્રભુ અહીં દીક્ષા ગ્રહણ કરી, સાધના કરીને કેવળજ્ઞાન પામ્યા, બાદમાં મોક્ષપદ પામ્યા
હતા.
એક માન્યતા અનુસાર શ્વેતાંબર જિનાલયમાં બિરાજમાન શ્રી નેમિનાથ ભગવાનની પ્રતિમાજી ગઈ ચોવીશીના તીર્થંકર ભગવંત શ્રી સાગર પ્રભુના ઉપદેશથી પાંચમા દેવલોકના ઇન્દ્ર મહારાજે ઘડાવી હતી. આ પ્રતિમાજી ભગવાન નેમિનાથના સમય સુધી ઇન્દ્રલોકમાં પૂજાઈ હતી. ત્યાર બાદ શ્રીકૃષ્ણને પ્રાપ્ત થઈ. જ્યારે દ્વારકાનગરી ભસ્મ થઈ ત્યાર પછી વર્ષો બાદ રત્નાશાહ નામના શ્રાવકને પુણ્યયોગે તપશ્ચર્યા અને અનન્ય ભક્તિના કારણે શ્રી અંબિકાદેવી (જેમણે આ પ્રતિમાજીને સુરક્ષિત રાખ્યાં હતાં)એ પ્રસન્ન થઈ રત્નાશાહ શ્રાવકને આપી અને પુનઃપ્રતિષ્ઠા કરવામાં આવી. ગિરનાર તીર્થ ઉપરથી અનેક મુનિભગવંતો તથા શ્રાવકો તપઆરાધના કરીને મોક્ષપદના સ્વામી બન્યા છે.
શ્રી ગિરનાર તીર્થ – પહાડનું ચઢાણ મુશ્કેલીભર્યું છે. તળેટીથી પહેલી ટૂંક લગભગ ત્રણથી સવાત્રણ કિ.મી.ના અંતરે અને લગભગ ૪૨૦૦ પગથિયાં પસાર કર્યા પછી આવે છે. ગામથી તળેટી ૬ કિ.મી.ના અંતરે છે. પ્રથમ ટૂંકથી પાંચમી ટૂંકનું અંતર ત્રણ કિ.મી.નું છે. આ યાત્રા વધારે કઠિન છે.
શ્રી નેમિનાથ ભગવાનની પ્રથમ ટૂંક મુખ્ય છે. જેમાં નાની
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |