Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૧૦
ગુજરાતના જૈનતીર્થો
દર્શનીય છે. દિલ્હી દરવાજા બહાર શ્રી શેઠ હઠીસિંહજીની વાડીમાં બાવન જિનાલયયુક્ત જિનાલય અત્યંત દર્શનીય છે. ઝવેરીવાડમાં આવેલું શ્રી સંભવનાથ જિનાલય સૌથી પ્રાચીન માનવામાં આવે છે. શ્રી જગવલ્લભ પાર્શ્વનાથ ભગવાનના દેરાસરમાં પણ કલાત્મક કતિઓનાં દર્શન થાય છે. અમદાવાદની પોળોમાં અનેક પ્રાચીન જિનાલયો આવેલાં છે. અહીં ૧૧થી વધારે પ્રાચીન ગ્રંથભંડારો છે. પાઠશાળાઓ વગેરે છે. ઝવેરીવાડની વાઘણપોળમાં શ્રી અજીતનાથ પ્રભુની કાયોત્સર્ગ પ્રતિમાજી અત્યંત દર્શનીય છે. અમદાવાદમાં ૪૦૦થી વધારે જિનાલયો છે. અહીં ધર્મશાળાઓ તથા ભોજનશાળાઓ છે.
- શ્રી શામળા પાર્શ્વનાથ અમદાવાદમાં શામળાની પોળમાં શ્રી શામળા પાર્શ્વનાથજીનું મુખ્ય પ્રાચીન તીર્થ આવેલું છે. તેમજ લાંબેસરની પોળમાં પણ શ્રી શામળા પાર્શ્વનાથજીની પ્રતિમાજી છે. શામળાની પોળમાં આવેલ શ્રી શામળા પાર્શ્વનાથ જિનાલયનું નિર્માણ વિ.સં. ૧૬પ૬માં મંત્રીશ્વર વસ્તુપાળના વંશજ સોમજી સંઘવી તથા તેમના ભાઈ શિવાએ કરાવ્યું હતું. જિનાલયમાં કાઇ પરનું કોતરકામ, કલાકારીગરી મોહિત કરી મૂકે તેવાં છે. તીર્થકર પ્રભુના પાંચ કલ્યાણકોના પ્રસંગોને લાકડામાં કોતરવામાં આવ્યા છે. આ મંદિરના મેડા ઉપર આરસના પાર્શ્વનાથજી કાઉસગ્ગ મુદ્રામાં છે. આ જિનબિંબ ઘણું પ્રાચીન છે. ભારતભરમાં અનેક સ્થાનો પર શ્રી શામળાજી પાર્શ્વનાથનાં જિનાલયો આવેલાં છે.
શ્રી સુખસાગર પાર્શ્વનાથ અમદાવાદમાં દોશીવાડાની પોળ, શ્રી સીમંધરસ્વામીની ખડકી ખાતે શ્રી સુખસાગર પાર્શ્વનાથ પ્રભુનું જિનાલય આવેલું છે. અમદાવાદનું નામ દશમા સૈકા પૂર્વે આશાવલ કે આશાપલ્લી હતું, ત્યારે પણ આ નગર સમૃદ્ધ હતું. તે અરસામાં અનેક જૈન-જૈનેતર મંદિરો હતાં. જ્ઞાનભંડારો હતા. જૈન શાસનના પ્રભાવક જૈનાચાર્યોની આવનજાવન થતી રહી છે. અગિયારમા સૈકામાં કર્ણદેવે આશાપલ્લીના રાજા આશાને પરાજિત કર્યો. કર્ણદેવના નામ પરથી આશાપલ્લી
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |